09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Դուք եք ասել ՏՏ ոլորտում 49,1 % աճ կա․ ի՞նչ աճ է դա․ Սուքիասյանը՝ Քերոբյանին․ ՏԵՍԱՆՅՈՒԹ
Տնտեսություն
13.03.2023 | 16:57
Այսօր ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում Էկոնոմիկայի նախարար Վահան Քերոբյանը տեղեկացրեց, որ 2022 թվականին ՌԴ-ից, Բելառուսից և Ուկրաինայից 113.753 մարդ է եկել Հայաստան։ Դրանից հետո «Քաղաքացիական պայմանագիր» խմբակցության պատգամավոր Խաչատուր Սուքիասյանը դիմելով Վահան Քերոբյանին, նշեց, որ այսօր ամենաբարդ իրավիճակն է այն առումով, որ եթե որոշակի կարգավորում լինի, և Հայաստան եկած այդ քաղաքացիները գնան, ապա եկամտահարկի առումով ամեն ինչ նվազելու է, և հարցրեց՝ դրան փոխարինող ի՞նչ ոլորտներ ու ճյուղեր կան։
«Երբ ուսումնասիրում եմ Հայաստանի, Վրաստանի ու Ադրբեջանի տնտեսության կառուցվածքը, համախառն ներքին արդյունքը, հետաքրքիր դինամիկա եմ տեսնում։ Օրինակ, 2016 թվականից երբ նայում եմ այս երեք երկրների ՀՆԱ-ին, և նայում ենք 2022 թվականին, ապա բավականին փոփոխություն կա։ Բայց այդտեղ ոչ մի վերլուծություն չկա, սա էկոնոմիկայի նախարարության գործն է, ես չեմ նստելու դա անեմ»,- նշեց Խաչատուր Սուքիասյանը և ընդգծեց, որ վերլուծություններ անելու անհրաժեշտություն կա։
«Մենք ո՞վ ենք, ի՞նչ կոճակների վրա պիտի աշխատենք, որ գնանք առաջ․ ոչ մի վերլուծություն չկա»,- նկատեց պատգամավորը։
Վահան Քերոբյանն արձագանքեց՝ նշելով, որ իրենց գնահատականներով և ոչ միայն, չի ենթադրվում, որ այն մարդիկ, ովքեր այսօր բնակություն են հաստատել Երևանում, մոտ ապագայում գնալու են։ Բայց դա չի նշանակում, թե մենք չենք կենտրոնացնում մեր ջանքերը տնտեսության գերակա ուղղությունների վրա՝ դրանք են՝ բարձր տեխնոլոգիական արդյունաբերություն, զբոսաշրջություն և արդյունաբերության որոշ ճյուղեր, բոլոր ուղղություններով ունենք առաջընթաց։
Խաչատուր Սուքիասյանը պնդեց, որ ուզում է կոնկրետ թվեր տեսնել՝ կոնկրետ ոլորտների համար: Նախարարը պատասխանեց, որ ո՛չ կրթությունն է իր ոլորտը, ո՛չ IT-ն:
Խաչատուր Սուքիասյանն էլ հակադարձեց, որ Քերոբյանն է ասել՝ 49,1 տոկոս աճ կա, ուստի, ինքն էլ ուզում է հասկանալ՝ դա ի՞նչ է»:
Մանրամասները՝ տեսանյութում։
