24.06.2026 | 11:49
ԵՄ աջակցությամբ կմշակվեն Ախուրիկ-Կայան և Մարգարա-Կայան ճանապարհային նախագծերը․ հուշագիր է ստորագրվել
Փաշինյանը Պուտինի հետ քննարկել է Լաչինի հարցը. Արցախում ևս 1 նախարար կազատվի պաշտոնից. Լուրեր
Քաղաքականություն
13.03.2023 | 15:15
- ՀՀ վարչապետ Նիկոլ Փաշինյանն ու ՌԴ նախագահ Վլադիմիր Պուտինը հեռախոսազրույց են ունեցել։ Հայաստանի կառավարության հաղորդագրության մեջ նշվում է, որ Լեռնային Ղարաբաղի շուրջ ստեղծված իրավիճակի քննարկման ժամանակ Վլադիմիր Պուտինն ընդգծել է առաջացած բոլոր խնդիրները կառուցողական եղանակով, կողմերի և ռուս խաղաղապահների միջև սերտ շփման ու փոխգործակցության լուծման անհրաժեշտության մասին։
- Արցախի առողջապահության նախարար Սամվել Ավետիսյանը հրաժարականի դիմում է ներկայացրել։ Ավետիսյանը նշել է, որ պաշտոնից հրաժարվելու միակ և անմիջական պատճառն այն է, որ իր պաշտոնավարման ընթացքում առանց իրեն տեղյակ պահելու Արցախի առողջապահության նախարարի պաշտոնը ստանձնելու առաջարկ է արվել մեկ այլ անձի: Ավետիսյանն Արցախի առողջապահության նախարար էր նշանակվել դեկտեմբերի 21-ին: Նա Ռուբեն Վարդանյանի պա՛տոնավարման ժամանակ նշանակված չորրորդ նախարարն է, որ ազատվել է նրա ազատումից հետո։
- Վրաստանի վարչապետ Իրակլի Ղարիբաշվիլին հայտարարել է, որ «Վրացական երազանք» իշխող կուսակցությունը թույլ չի տա երկրում երկրորդ ռազմաճակատի բացում: Նա նշել է, որ Ուկրաինայից մի քանի տասնյակ մարդ Է եկել Վրաստան, և դիմել է նրանց, որ պատրանքներ ու ակնկալիքներ չունենան, թե Վրաստանում ինչ-որ բան տեղի կունենա։
Այս ժամի լուրերը՝ տեսանյութում։
