15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Վարկային կազմակերպություն կա ՝ 535 %-ով վարկ է տալիս․ Պապոյան․ ՏԵՍԱՆՅՈՒԹ
Հասարակություն
13.03.2023 | 15:10
Արտարժույթով հիփոթեքային վարկերի տրամադրումն արգելելով` կանխվում է ՀՀ ռեզիդենտ քաղաքացիների` արտարժութային տատանումների ռիսկերի տակ ընկնելը։ Ազգային ժողովի ֆինանսավարկային և բյուջետային հարցերի մշտական հանձնաժողովի նիստում այս հայտարարությունն արեց հանձնաժողովի նախագահ, «Քաղաքացիական պայմանագիր» խմբակցության պատգամավոր Գևորգ Պապոյանը «Արժութային կարգավորման և արժութային վերահսկողության մասին» օրենքում փոփոխություններ կատարելու մասին նախագծի ննարկման ժամանակ։
«Հիմա այդ ռիսկերն ավելի մեծ են, որովհետև հիփոթեքային վարկերի ծավալներն էլ են մեծացել։ Նախկինում տոկոսները մեծ են եղել, ծավալները` փոքր, կառավարելի է եղել։ Իսկ հիմա նաև ծավալներն են էականորեն մեծացել»,–ասաց պատգամավորը։
Նշենք, որ ՔՊ–ական պատգամավորներ Գևորգ Պապոյանը, Նարեկ Գրիգորյանն ու Արուսյակ Մանավազյանը առաջարկում են բանկերին ու վարկային կազմակերպություններին պարտադրել ՀՀ քաղաքացիներին հիփոթեքային վարկերը տրամադրել միայն ՀՀ դրամով: Ռեզիդենտ չհամարվող ֆիզիկական անձանց հիփոթեքային վարկերը կարող են տրամադրվել նաև արտարժույթով:
Մանրամասները՝ տեսանյութում։
