15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Արսեն Թորոսյանին էլ է այս գործը առնչվում, նորմալ է, որ մարդը արտահայտվում է. Գրիգոր Մինասյան
Քաղաքականություն
13.03.2023 | 14:56
«CՕVID-19»-ի համավարակի ժամանակ չարաշահումների գործը առնչվում է նաև ՀՀ առողջապահության նախկին նախարար, այժմ ԱԺ ՔՊ խմբակցության պատգամավոր Արսեն Թորոսյանին։ Այս մասին այսօր լրագրողների հետ ճեպազրույցում ասաց ՀՀ արդարադատության նախարար Գրիգոր Մինասյանը։
Անդրադառնալով հարցին, թե որտեղից գիտի՝ թե գործը Թորոսյանին է վերաբերում, քանի որ Հակակոռուպցիոն կոմիտեն չի հայտնել նրա անունը, Գրիգոր Մինասյանը պատասխանեց, որ նախկին նախարարն ինքն է հրապարակումներ արել այդ մասին։
«Այս ամենում պարադոքս չկա, նորմալ է, մարդն իր պատկերացումներն ու դժգոհություններն ունի։ Իր առաջին կամ երկրորդ հայտարարության մեջ Թորոսյանն անձամբ է բարձրացրել այդ հարցը, որ այդ հրամաններն իր օրոք են եղել։ Հրապարակումներում նույնիսկ խնդրում էր, որպեսզի ինքն էլ ներգրավվի։ Բնական է, որ այս կամ այլ ձևով ներգրավված է գործում»,- նշեց նախարարը։
Հարցին, արդյոք համապատասխանում է իրականությանը ԶԼՄ–ներում շրջանառվող այն լուրը, թե գլխավոր դատախազին դիմում է ներկայացվելու Թորոսյանի նկատմամբ հանրային քրեական հետապնդում սկսելու և անձեռնմխելիությունից զրկելու համար, Մինասյանը պատասխանեց, որ ինքը չունի նման տեղեկություններ, հավելելով, որ այդ ամենը նախաքննության գաղտնիքի շրջանակում է։
Հավելենք, որ վերը նշված չարաշահումների գործով կալանավորվել է Երևանի փոխքաղաքապետ, 2020-2022թթ. ՀՀ առողջապահության նախարարի տեղակալ Գևորգ Սիմոնյանը։
Մանրամասները՝ տեսանյութում։
