08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բաքուն շարունակում է «իրանական լրտեսական ցանցերի» բացահայտման ուղղված հատուկ գործողությունները
Քաղաքականություն
13.03.2023 | 17:07
Ադրբեջանում շարունակում են հատուկ գործողությունները՝ կապված, իբր, Իրանի կողմից լրտեսական ցանցերի բացահայտման հետ։ Ադրբեջանական քարոզչական լրատվականների հաղորդմամբ՝ իրավապահ մարմինների կողմից իրականացված գործողության արդյունքում բացահայտվել է «մեկ այլ ցանց», կան ձերբակալվածներ։
Հավելենք, որ վերջին նման գործողություններն Ադրբեջանի իշխանություններն իրականացրել էին փետրվարի սկզբին՝ ձերբակալելով 39 մարդու, մեծ մասամբ՝ լրատվամիջոցների ներկայացուցիչների։
Նշենք, որ ամեն անգամ, երբ որոշակի լարվածություն է առաջանում Իրանի և Ադրբեջանի հարաբերություններում, Բաքուն դիմում է արդեն փորձված մեթոդին՝ հետապնդելով իրանամետ գործիչներին, հատկապես՝ հոգևոր, որոնց ձերբակալությունները սկսել են պարբերական բնույթ կրել։
Նշենք, որ մարտի սկզբին էլ դատարանի դահլիճում մահացել էր կրոնական ակտիվիստ Սաբուհի Սալիմովը։ Նա կալանավորվել էր 2021 թվականի հոկտեմբերին դավաճանության, մասնավորապես, Իրանի օգտին լրտեսության մեղադրանքով։ Սալիմովը կտրականապես հերքել է բոլոր մեղադրանքները։ 2022 թվականի նոյեմբերի 22-ին Բաքվի ծանր հանցագործությունների դատարանը նրան դատապարտել է 17 տարվա ազատազրկման։ 2023 թվականի սկզբին նա հացադուլ էր հայտարարել՝ ի նշան իր դատավճռի դեմ բողոքի։
Էմմա Չոբանյան
