26.07.2026 | 11:14
Վրաստանի շտապօգնության մեքենայով Երևան է տեղափոխվել վթարից տուժած աղջիկ երեխա
Բաքվի կենտրոնում հրաձգություն է տեղի ունեցել․ վիրավորներ կան
Քաղաքականություն
10.03.2023 | 17:47
Բաքվի կենտրոնում հրաձգություն է տեղի ունեցել։ Տեղական լրատվամիջոցների հաղորդմամբ՝ դեպքը տեղի է ունեցել Նասիմի շրջանի Սամեդ Վուրգունի փողոցում՝ կրկեսի հարևանությամբ։
Ադրբեջանի ՆԳՆ-ն հայտնում է, որ միջադեպի հետևանքով երկու մարդ վիրավորվել է, երկուսն էլ տեղափոխվել են հիվանդանոց։ Տուժողներն են 2002 թվականին ծնված Ֆագեն Ռահիմլին և 1983 թվականին ծնված Թամերլան Հուսեյնովը։ Ըստ տեղեկությունների՝ Ռահիմլին Ադրբեջանի բժշկական համալսարանի ուսանող է։
«Այս հանցագործության կատարման համար կասկածվողը բերման է ենթարկվել, օպերատիվ-հետախուզական միջոցառումները շարունակվում են»,- հայտնել է երկրի ՆԳՆ-ն։
Համացանցում միջադեպից տեսանյութեր ու լուսանկարներ են տարածվում։
Էմմա Չոբանյան
