05.08.2026 | 19:00
Ծովագյուղում ապօրինի պահվող գայլերը տեղափոխվել են Երևանի կենդանաբանական այգի․ քաղաքացին տուգանվել է
Բաքվում ոստիկանները փորձել են խափանել կանանց բողոքի ակցիան․ ԼՈՒՍԱՆԿԱՐՆԵՐ
Քաղաքականություն
08.03.2023 | 17:38
Բաքվի կենտրոնում մի խումբ կանայք բողոքի ակցիա են անցկացրել։ Տեղական լրատվականների հաղորդմամբ՝ կանանց իրավունքների և իրավահավասարության պաշտպանության հարցերով զբաղվող մի քանի տասնյակ ակտիվիստներ տարբեր կարգախոսներ են հնչեցրել՝ «Կանանց սպանությունը քաղաքական հանցագործություն է», «Պաշտպանենք մեր կյանքը», «Մի հաշտվեք, այլ հետաքննեք» ու այլ գրառումներով պաստառներով։
Մասնակիցները երթով շարժվել են Շատրվանների հրապարակից դեպի «Ադրբեջան»կինոթատրոն՝ տասնյակ ոստիկաններով շրջապատված։ Հաղորդվում է, որ ոստիկանները փորձել են ուժ գործադրել և խափանել երթը։
Ոստիկանները նաև արգելափակել են ցուցարներին կինոթատրոնի դիմաց, որտեղ նրանք կրկին կարգախոսներ են վանկարկել։
Էմմա Չոբանյան
