16.01.2026 | 18:11
Բոլոր գերիների վերադարձը ժամանակի հարց է՝ ըստ Ալեն Սիմոնյանի // ՊԵԿ պաշտոնյաներ են կալանավորվել․ ԼՈՒՐԵՐ
Վրաստանում սկսվել են զանգվածային բողոքի ցույցեր և բախումներ ոստիկանության հետ. Զուրաբիշվիլին շտապ կոչով դիմելու է վրաց ժողովրդին
Քաղաքականություն
08.03.2023 | 00:22
Վրաստանի խորհրդարանը մարտի 7-ի լիագումար նիստում առաջին ընթերցմամբ ընդունվել է «օտարերկրյա գործակալների մասին» օրենքը։ Փաստաթուղթն իրականում կրկնօրինակում է նմանատիպ ռուսական օրենքը։Այս մասին հայտնում է տեղական «Գրուզիա օնլայն» հրատարակությունը։
Օրինագծի դրույթները հուշում են, որ հասարակական կազմակերպությունների և լրատվամիջոցների մի մասը կհայտարարվեն «օտարերկրյա ազդեցության գործակալներ»։ Նմանատիպ օրենք արդեն գործում է Ռուսաստանի Դաշնությունում։
Վրաստանում ԱՄՆ դեսպանատունը մեկնաբանել է «օտարերկրյա գործակալների մասին» օրինագիծը՝ մարտի 7-ը անվանելով «սև օր վրացական ժողովրդավարության համար»։ ԵՄ-ն և ԱՄՆ-ը Վրաստանի խորհրդարանին կոչ են արել վերանայել օրինագիծը՝ ընդգծելով, որ փաստաթուղթը խոչընդոտ կդառնա ՆԱՏՕ-ին և ԵՄ-ին երկրի անդամակցությանը։
Այս լուրերի ֆոնին երկրում զանգվածային բողոքի ցույցեր են սկսվել։ Հարյուրավոր քաղաքացիներ հավաքվել են խորհրդարանի շենքի մոտ՝ դեմ արտահայտվելու ռուսամետ օրենքին։
Ուժայինները ցուցարարների դեմ սկսել են արցունքաբեր գազ ու ջրցան մեքենաներ կիրառել։ Այս պահին տուժածների մաաին տեղեկություններ չկան։
Վրաստանի նախագահ Սալոմե Զուրաբիշվիլիի վարչակազմը հայտարարել է, որ պետության ղեկավարը ծրագրում է շտապ կոչով դիմել վրաց ժողովրդին Թբիլիսիում բողոքի ալիքից հետո։
Զուրաբիշվիլին չեղարկել է իր բոլոր հանդիպումները Նյու Յորքում, որտեղ քաղաքական գործիչը գտնվում է աշխատանքային այցով։
