25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
«Պուտի՛ն, պահի՛ր խոստումդ». արցախցիների պահանջը՝ խաղաղապահներից․ ՏԵՍԱՆՅՈւԹ
Քաղաքականություն
07.03.2023 | 21:04
Այսօր մի խումբ արցախցի ակտիվիստներ փակել են Ստեփանակերտի օդանավակայանի մուտքերը, որտեղ տեղակայված է ռուսական խաղաղապահ առաքելության հրամանատարությունը։ Նրանք պահանջել են հանդիպում հրամանատարության հետ և խաղաղապահների կողմից իրենց պարտավորությունների կատարումը։ Ավելի վաղ ակտիվիստները հայտարարություն են տարածել, որտեղ ասվում է.
«Մենք՝ Արցախի հանրությունը, այլևս իրավունք չունենք լռելու:
Ադրբեջանի կողմից 2020 թվականի նոյեմբերի 9-ի եռակողմ պայմանագրի կետերի պարբերաբար խախտումները և ռուս խաղաղապահների պայմանագրի պարտավորությունները չկատարելը՝ մեզ՝ Արցախցիներիս, այլևս ստիպում է չլռել և ներկայացնել մեր պահանջները:
2023 թվականի մարտի 5-ին Ադրբեջանի կողմից իրականացված ահաբեկչությունը ևս մեկ անգամ ապացուցում է, որ ռուս խաղաղապահները չեն կատարում իրենց պարտավորությունները, որն է ՝
ԱՊԱՀՈՎԵԼ ԱՐՑԱԽԻ ԲՆԱԿՉՈՒԹՅԱՆ ԱՆՎՏԱՆԳՈՒԹՅՈՒՆԸ:
Այսօր մեր սպանված քաղաքացիների հուղարկավորությունից հետո մենք՝ Արցախի քաղաքացիներս, ժամը 15:00-ին հավաքվում ենք «Տատիկ-Պապիկ» հուշարձանի մոտ և ավտոերթով շարժվում դեպի ռուս խաղաղապահների մշտական տեղակայման վայր՝ օդանավակայան՝ արտահայտելու մեր դիրքորոշումը:
Միացե՛ք մեզ »
Զորամասի մուտքերի մոտ ակցիայի մասնակիցները վանկարկել են «Պո՛ւտին, պահիր խոստումդ», «Մեզ պետք են իրակա՛ն խաղաղապահներ»:
Ռուս խաղաղապահների ներկայացուցիչների հետ հանդիպում տեղի չի ունեցել: Ակցիայի մասնակիցները իրենց մեքենանաներով փակել են զորմասի մուտքերը և շարունակում են սպասել:
Մարութ Վանյան
