27.04.2026 | 21:53
Հայաստանն ու Ադրբեջանը աշխարհի ամենառազմականացված երկրների շարքում են
Ադրբեջանի ՊՆ-ի մոտ բողոքի ակցիա են անցկացրել Արցախյան 44-օրյա պատերազմի մասնակիցները
Քաղաքականություն
07.03.2023 | 22:34
Արցախյան երկրորդ պատերազմի մասնակից մի խումբ ադրբեջանցիներ հերթական բողոքի ակցիան են անցկացրել Ադրբեջանի ՊՆ շենքի մոտ։ Նրանք բողոքել են, որ չնայած պատերազմին մասնակցությանը՝ չեն կարողացել վետերանի կարգավիճակ ստանալ, հայտնում են տեղական լրատվականները։
«Մեզ մերժում են վետերանի կարգավիճակ տրամադրելու հարցում։ Մենք, թողնելով մեր ընտանիքները, գնացել ենք հայրենիքի պատերազմ։ Որոշները նույնիսկ իրենց աշխատանքին չեն վերականգնվել՝ պատրվակով, որ կանտուզիա են ստացել։ Մեզ նույնիսկ պետք չէ 80 մանաթ թոշակը վետերանի կոչման համար, մենք ուղղակի ուզում ենք, որ ճանաչվի մեր կարգավիճակը»,-ասել է ակցիայի մասնակիցներից մեկը։
Նրանք դժգոհել են, որ իրենց նկատմամբ խտրական վերաբերմունք է ցուցաբերվում։
«Մենք կռվել ենք, քնել գետնին, բայց մեզ կարգավիճակ չեն տալիս։ Նրանք, որոնք ունեն լավ ծանոթներ, ստացել են։ Ստացվում է՝ աղքատներին կարգավիճակ չի հասնում»,- ասել է ակցիայի մեկ այլ մասնակից։
Ադրբեջանի ՊՆ-ից չեն մեկնաբանել բողոքի ակցիան։
Հավելենք, որ 44-օրյա պատերազմից հետո ադրբեջանցիները պարբերաբար ակցիաներ են կազմակերպում՝ բողոքելով իշխանությունների անտարբեր վերաբերմունքից, պահանջում նաև սոցիալական աջակցությունը։ Շուրջ չորս տասնյակից ավելի պատերազմի մասնակից ադրբեջանցիներ էլ տարբեր խնդիրների պատճառով ինքնասպանություն են գործել, շատերը՝ ինքնահրկիզման միջոցով։
Էմմա Չոբանյան
