13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Թուրքիայում ոստիկանապետ է կալանավորվել՝ երկրաշարժից տուժածների օգնությունը գողանալու համար
Քաղաքականություն
07.03.2023 | 20:49
Թուրքիայում ոստիկանության պետի են կալանավորել երկրաշարժից տուժածների օգնությունը գողանալու համար, հայտնում է DHA-ը։
Հավելենք, որ փետրվարի 6-ի ավերիչ երկրաշարժերի հետևանքով զոհերի թիվը գերազանցել է 46,000-ը, մեկ միլիոնից ավելի մարդ անօթևան է մնացել։
Նշվում է, որ Թեքիրդաղի ոստիկանության պետ Յադիգար Իշիկը կալանավորվել է Գազիանթեփի Իսլահիյե շրջանի երկրաշարժից տուժածների համար օգնության իրերը գողանալու համար։ Իշիկը հրամայել է մասնակցել օգնության բաժանմանը և, ենթադրաբար, կառավարության տրամադրած ավտոբուս բեռնել օգնության որոշ իրեր ու դրանք իր տուն՝ Թեքիրդաղ տարել։
Ոստիկանության բարձրաստիճան պաշտոնյայի տանը հետախուզության արդյունքում հայտնաբերվել են գեներատորներ, էլեկտրական ջեռուցիչներ, վրաններ, ներքնակներ, քնապարկեր, ճանապարհորդական պայուսակներ, կոշիկ, անձրևանոցներ, շների համար նախատեսված կեր:
Ձերբակալումից հետո գործն ուղարկվել է դատախազություն, որը պահանջել է կալանավորում։ Դատարանը, սակայն, նրան ազատ է արձակել՝ դատական վերահսկողության տակ թողնելով։ Դատախազությունը բողոքարկել է այս որոշումը և ոստիկանության պետն այս անգամ կալանավորվել է արդեն դատարանի որոշմամբ։
Էմմա Չոբանյան
