16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Գյումրի-Երևան ճանապարհը բացվել է․ զինծառայողի ծնողներին կընդունեն զինդատախազն ու պաշտպանության նախարարը
Հասարակություն
03.03.2023 | 16:41
Գյումրի-Երևան մայրուղու Ազատանի հատվածը, որն այսօր ի նշան բողոքի՝ փակել էին Սիսիանի դիրքերում տեղակայված վագոն-տնակում շուրջ 7 ամիս առաջ հրդեհից մահացած 19-ամյա ժամկետային զինծառայող Պալյան Պողոսյանի հարազատները, բացվել է ոստիկանների հորդորով և այն պայմանով, որ կազմակերպվեն հանդիպումներ պատասխանատուների հետ։
ՀՀ ոստիկանության Շիրակի մարզային վարչության պետ Արամ Ղազարյանը Ախուրյանի ոստիկանապետ Սինո Մխիթարյանի հետ այցելել է Պողոսյանների բանկության վայր, որտեղ և պայմանավորվածություն են ձեռք բերել հաջորդ շաբաթ հանդիպում ունենալ ՀՀ գլխավոր զինդատախազ Գրիգոր Էլիզբարյանի, ինչպես նաև Պաշտպանության նախարար Սուրեն Պապիկյանի հետ։
Հիշեցնենք, որ այրվածքներից մահացած զինծառայողի հարազատները բողոքում են պատասխանատուների անտարբերությունից, քրեական գործի ընթացք չունենալուց։ Բանն այն է, որ մինչ այս ծնողները 7 ամիս շարունակ փորձել են հանդիպում ունենալ պաշտպանության նախարար Սուրեն Պապիկյանի հետ, սակայն նախարարն այդպես էլ չի ընդունել նրանց։
Արմիկ Մովսիսյան
