23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ադրբեջանի ԶՈՒ-ն Արցախում խախտել է հրադադարը․ Փաշինյանը՝ ԵՄ դիտորդներից ակնկալիքի մասին․ Լուրեր
Քաղաքականություն
03.03.2023 | 13:50
- Արցախի նախագահ Արայիկ Հարությունյանը ողջունել է Գերմանիայի կանցլեր Օլաֆ Շոլցի հայտարարությունը, որ հակամարտությունը պետք է կարգավորվի խաղաղ ճանապարհով՝ տարածքային ամբողջականության և Լեռնային Ղարաբաղի ժողովրդի ինքնորոշման իրավունքի հավասար սկզբունքների հիման վրա։ Այդ հայտարարությունը Շոլցն արել է Հայաստանի վարչապետ Նիկոլ Փաշինյանի հետ ասուլիսում։
- Իսկ Փաշինյանը Բեռլինում մասնակցել է Արտաքին քաղաքականության գերմանական խորհրդի քննարկմանը և հայտարարել է, որ ունի լիարժեք վճռականություն Ադրբեջանի հետ խաղաղության պայմանագիր ստորագրելու հարցում, բայց դա չպետք է Հայաստանի համար կապիտուլյացիայի նմանվող փաստաթուղթ լինի։ Նա նաև ասել է, որ միջազգային հանրությունից իր ակնկալիքն այն է, որ այն հստակ ցույց տա, որ որևէ պրովոկացիա` կստանա միջազգային հանրության շատ կոպիտ արձագանքը, և շատ կարևոր է, որ պահպանվի կայունությունը։ Փաշինյանը շեշտել է` կապ չունի Հայաստանի, թե Ադրբեջանի կողմից, քանի որ հիմա տարածաշրջանում կան դիտորդներ, և այժմ կարիք չի լինի, որպեսզի ԵՄ-ն հարցնի, թե որ կողմն էր նախաձեռնողը։
- Արցախի Ասկերանի, Մարտակերտի և Մարտունու շրջանների օկուպացված տարածքներում տեղակայված Ադրբեջանի ԶՈւ ստորաբաժանումները մարտի 2-ին և մարտի 2-ի լույս 3-ի գիշերը խախտել են հրադադարը` կիրառելով հրաձգային զինատեսակներ․ տեղեկացնում են Արցախի ՊՆ-ից; Հայկական կողմից տուժածներ չկան։ Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։
Այս ժամի լուրերը՝ տեսանյութում։
