16.08.2026 | 13:09
Ուկրաինան անօդաչուներով զանգվածային հարված է հասցրել Մոսկվային և Մոսկվայի մարզին
Վրաստանում 36 մարդ է ձերբակալվել «օտարերկրյա գործակալների» մասին օրինագծի դեմ բողոքի ակցիայի ժամանակ
Քաղաքականություն
03.03.2023 | 15:28
Վրաստանում, այսպես կոչված, «օտարերկրյա գործակալների» ազդեցության մասին օրինագծի դեմ բողոքի ակցիայի 36 մասնակից է ձերբակալվել։ «Գրուզիա օնլայնի» փոխանցմամբ՝ այս մասին հայտնել են երկրի ՆԳՆ-ից։
Ձերբակալություններն իրականացվել են Վրաստանի քրեական օրենսգրքի 173 և 166 հոդվածների հատկանիշներով (վարչական իրավախախտումներ)։
Վրաստանի խորհրդարանի մոտ բողոքի ակցիաներ են սկսվել այն բանից հետո, երբ խորհրդարանական հանձնաժողովների համատեղ նիստում սկսվել են, այսպես կոչված, «օտաերկրյա գործակալների» ազդեցության մասին օրինագծի քննարկումը։
Հիշեցնենք, որ փետրվարի 20-ին Վրաստանի խորհրդարանում գրանցվել է արտաքին ազդեցության թափանցիկության մասին օրենքի նախագիծ։ Նախաձեռնությունը պատկանում է «Ժողովրդի իշխանություն» շարժմանը, որը բաղկացած է իշխող «Վրացական երազանք»-ի նախկին անդամներից, որոնք, չնայած անցյալ տարվա հունիսին իշխող կուսակցությունից անջատվելուն, շարունակում են մնալ խորհրդարանական մեծամասնության մաս։
Տաթև Ֆռանգյան
