06.06.2026 | 21:33
Կարկուտից ոչխարներ են սատկել, գառնարածը վնասվածքներ է ստացել․ արտակարգ դեպք՝ Լոռու մարզում
Մենք ճոպանուղու նախագիծ ենք առաջարկել, և ներդրողը համաձայնվել է. Ավինյան․ ՏԵՍԱՆՅՈՒԹ
Տնտեսություն
02.03.2023 | 11:56
Երևանի մանկական երկաթուղին կբարեկարգվի, կիրճում կտեղադրվի նաև ճոպանուղի։ Այս մասին այսօր Կառավարության նիստում հայտնեց Երևանի փոխքաղաքապետ Տիգրան Ավինյանը` նշելով՝ մենք ճոպանուղու նախագիծ ենք առաջարկել, և ներդրողը համաձայնվել է։
Ավինյանն էկոնոմիկայի նախարար Վահան Քերոբյանից հետաքրքրվեց, թե որ փուլում է մանկական երկաթուղու ծրագիրը։
Նախարարը պտասխանեց, որ աշխատանքներն ավարտական փուլում են։ «Հիմա ամփոփում ենք, ձևավորում ենք ընդհանուր պատկերը, և շուտով այդ ծրագիրը ևս կներկայացնենք կառավարությանը»,– հայտնեց Քերոբյանը։
Փոխքաղաքապետը նշեց, որ Երևանի քաղաքապետարանը ներդրող ընկերության հետ պայմանավորվածություն ունի, որ մանկական երկաթուղու արդիականացման ծրագիրն ամբողջությամբ պետք է իրականացնի ներդրողը, իսկ ճոպանուղու կառուցման համար կներդնի մինչև 20 մլն դոլար։
«Եթե դրանից ավելի կլինի, ինչը քիչ հավանական է, միայն այդ դեպքում ենթակառուցվածքային աջակցության ծրագրով էկոնոմիկայի նախարարությունը կարող է միջամտել»,- նշեց Ավինյանը։
Փոխքաղաքապետը խոսքով՝ ծրագրի ընդհանուր արժեքը շուրջ 150 մլն դոլար է։
Մանրամասները՝ տեսանյութում։
