26.07.2026 | 11:14
Վրաստանի շտապօգնության մեքենայով Երևան է տեղափոխվել վթարից տուժած աղջիկ երեխա
ԲԴԽ-ն Վճռաբեկ դատարանի հակակոռուպցիոն պալատի նախագահի պաշտոնում առաջարկել է ՔՊ նախկին պատգամավոր Արթուր Դավթյանի թեկնածությունը
Քաղաքականություն
01.03.2023 | 17:42
Բարձրագույն դատական խորհուրդը Վճռաբեկ դատարանի Հակակոռուպցիոն պալատի նախագահի պաշտոնում առաջարկել է դատավոր Արթուր Դավթյանին։ Այս մասին տեղեկանում ենք Բարձրագույն դատական խորհրդի կայքից։
«2023 թվականի փետրվարի 27-ին, դռնփակ նիստում, քննարկելով Վճռաբեկ դատարանի հակակոռուպցիոն պալատի նախագահի պաշտոնում թեկնածություն առաջարկելու վերաբերյալ հարցը և ղեկավարվելով Հայաստանի Հանրապետության Սահմանադրության 175-րդ հոդվածի 1-ին մասի 3-րդ կետով, «Հայաստանի Հանրապետության դատական օրենսգիրք» սահմանադրական օրենքի 94-րդ հոդվածի 1-ին մասով, 134-րդ հոդվածի 11-րդ և 12-րդ մասերով՝ Բարձրագույն դատական խորհուրդը որոշում է․ 1․ Հանրապետության նախագահին առաջարկել Արթուր Ռազմիկի Դավթյանի թեկնածությունը՝ Վճռաբեկ դատարանի հակակոռուպցիոն պալատի նախագահի պաշտոնում նշանակելու համար»,- ասված է ԲԴԽ որոշման մեջ։
Նշենք, որ Արթուր Դավթյանն Ազգային ժողովի Քաղաքացիական պայմանագիր խմբակցության պատգամավոր էր։ Վերջինս 2022 թվականի հունիսի 27-ին ՔՊ-ից դուրս գալու վերաբերյալ դիմում է գրել, և նույն օրը ԲԴԽ-ն նրան առաջադրել է՝ որպես Վճռաբեկ դատարանի Հակակոռուպցիոն պալատի դատավոր։
