23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Արցախի և Ադրբեջանի պատվիրակների նոր հանդիպում․ ՊՆ-ն պահեստազորի 3-րդ հավաքն է նախաձեռնել․ Լուրեր
Քաղաքականություն
01.03.2023 | 16:45
- Այսօր եռակողմ հանդիպում է տեղի ունեցել Արցախի, Ադրբեջանի ներկայացուցիչների և ՌԴ խաղաղապահ զորախմբի հրամանատարի միջև։ Factor.am-ին տեղեկացրել է Արցախի նախագահի խորհրդական Դավիթ Բաբայանը։ Հանդիպման ընթացքում քննարկվել են տեխնիկական և հումանիտար բնույթի հարցեր, որոնց թվում է գազի և էլեկտրաէներգիայի անխափան աշխատանքի մասով կարևորագույն հարցը։ Լաչինի միջանցքի մասով ևս քննարկումներ եղել են, բայց ձեռք բերված պայմանավորվածությունների վերաբերյալ Բաբայանը մանրամասներ չի ներկայացնել։
- Արցախի նախագահ Արայիկ Հարությունյան կառավարության նիստ է անցկացրել և ներկայացրել է Արցախի նորանշանակ պետական նախարար Գուրգեն Ներսիսյանին։ Բաքվի հետ հարաբերությունների մասին Հարությունյանը նշել է, որ հավատարիմ են մնալու Արցախյան շարժման գաղափարներին և անկախության ճանապարհից հետնահանջի ոչ մի քայլ չի լինելու: Արցախի նախագահը նաև խոստացել է, որ բացառված է Ադրբեջանի հետ ինտեգրացիոն որևէ գործընթաց: Սակայն, ըստ Հարությունյանի, դա չի նշանակում, որ խուսափելու են շփումներից՝ ենթակառուցվածքային և հումանիտար բնույթի խնդիրներ լուծելու համար:
- Պաշտպանության նախարարությունն նոր նախագիծ է դրել շրջանառության մեջ, որի համաձայն նախատեսվում է մայիսի 1-ից մինչև հուլիսի 7-ը անցկացնել պահեստազորայինների վարժական հավաքներ։ Ըստ նախագծի՝ վարժական հավաքներին այս անգամ նախատեսվում է ներգրավել մինչև 2648 քաղաքացու, որոնցից 2364-ը՝ շարքային և կրտսեր ենթասպայական կազմերի, 124-ը` ավագ ենթասպայական կազմի, 160-ը` սպայական կազմի պահեստազորայիններ՝ համազորային «մոտոհրաձգային, կապի, հետախուզական, ինժեներական», հրթիռահրետանային մասնագիտություններով։
Այս ժամի լուրերը՝ տեսանյութում։
