15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Եթե ընտանեկան բռնության դեպքերն ավելանան, չզարմանաք․ Զարուհի Բաթոյան․ ՏԵՍԱՆՅՈՒԹ
Հասարակություն
01.03.2023 | 11:58
Ազգային ժողովում քննարկվում է «Ընտանիքում բռնության կանխարգելման և ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքում լրացումներ կատարելու մասին նախագիծը, որով առաջարկվում է օրենսդրական կարգավորում՝ միտված ընտանիքում բռնության ենթարկված անձանց պաշտպանության առավել արդյունավետ գործիքակազմ ունենալուն․ նախատեսվում է օգտագործել էլեկտրոնային հսկողության միջոցներ։ Շուրջ 200 էլեկտրոնային շղթայի հավաքածու ձեռք բերելու համար կպահանջվի մոտ 560 միլիոն դրամ:
«2022թ․ 14 կին է սպանվել․ նրանք դարձել են ընտանեկան բռնության զոհ․ այս վիճակագրությունը ևս կարևոր է և պետք է հաշվի առնել,- այս մասին նշեց «Քաղաքացիական պայմանագիր» խմբակցության պատգամավոր Զարուհի Բաթոյանը։
«Եթե առաջիկայում գրանցված ընտանեկան բռնության դեպքերի թիվն ավելանա, չզարմանաք,- նշեց Բաթոյանը՝ պարզաբանելով, որ դա ամենևին չի նշանակի, թե բռնության դեպքերի թիվն է ավելանում, այլ կնշանակի, որ երկրում պաշտպանության ավելի արդյունավետ համակարգեր են ստեղծվել, ինչպես, օրինակ, ներկայացված նախագծով է նախատեսված։ Պատգամավորի կարծիքով՝ շատ կանայք չեն դիմում ոստիկանություն, որովհետև վստահ չեն, թե բավարար չափով պաշտպանված կլինեն, քանի որ չկան այդպիսի մեխանիզմներ, հատկապես վերահսկողության մեխանիզմներ։
Մանրամասները՝ տեսանյութում։
