27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
ՀԲ-ն Թուրքիայում ավերիչ երկրաշարժի վնասը 34 միլիարդ դոլար է գնահատել
Քաղաքականություն
28.02.2023 | 20:44
Թուրքիայում փետրվարի 6-ին տեղի ունեցած ավերիչ երկրաշարժը և հետցնցումները երկրին ավելի քան 34 միլիարդ դոլարի վնաս են պատճառել։ Այս մասին հայտնել է Համաշխարհային բանկը (ՀԲ), գրում է Turkish Minute-ը։
Նշվում է, որ այս գումարը համարժեք է 2021 թվականի Թուրքիայի ՀՆԱ-ի չորս տոկոսին, իսկ այս գնահատականը հաշվի չի առնում վերակառուցման ծախսերը, որոնք «պոտենցիալ երկու անգամ ավելին են»:
Համաշխարհային բանկը նախազգուշացնում է, որ շարունակվող հետցնցումները, ամենայն հավանականությամբ, կավելացնեն աղետի պատճառած վնասի ընդհանուր չափը։
«Այս աղետը հիշեցնում է երկրաշարժերի համար Թուրքիայի բարձր ռիսկի և պետական ու մասնավոր ենթակառուցվածքների ճկունությունը բարձրացնելու անհրաժեշտության մասին»,- ասել է Համաշխարհային բանկի Թուրքիայի գրասենյակի տնօրեն Ումբերտո Լոպեսը:
Բացի այդ, Բանկը նաև գնահատել է, որ 1,25 միլիոն մարդ ժամանակավորապես անօթևան է դարձել բնակելի շենքերի վնասվելու պատճառով: Բնակելի շենքերին հասցված ուղղակի վնասը կազմում է գնահատվածի 53 տոկոսը, ընդ որում՝ վնասի 28 տոկոսը վերաբերում է ոչ բնակելի շենքերին, իսկ մնացածը ենթակառուցվածքներին, ինչպիսիք են ճանապարհներն ու կամուրջները:
Էմմա Չոբանյան
