27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Հնարավոր չէ վերադառնալ այն կյանքին, որով ապրել ենք պատերազմից առաջ․ ապաքաղաքական զրույց Խաչատուր Գասպարյանի հետ. ՏԵՍԱՆՅՈՒԹ
Հաղորդաշարեր
26.02.2023 | 21:02
Factor TV-ի A-politic հաղորդաշարի հյուրն է ԵՊԲՀ բժշկական հոգեբանության ամբիոնի վարիչ Խաչատուր Գասպարյանը: Նրա համոզմամբ՝ մարդիկ հոգեբանին դիմելու կարիք ունեն և՛ համեմատաբար կայուն, և՛ ճգնաժամային իրավիճակներում: Բոլոր այն դեպքերում, երբ նրանց խնդիրները սրվում են, անհրաժեշտություն է առաջանում դրանք լուծելու մասնագետի օգնությամբ: Հայաստանում կա նաև այն խնդիրը, որ հոգեբանի ծառայությունները չեն լիցենզավորվում, և ցանկացած մարդ կարող է բացել հոգեբանական օգնության կաբինետ: Դա լայն դաշտ է բացում, մասնավորապես, նրանց համար, ովքեր այդպիսի «ծառայություն» մատուցելով՝ փորձում են լուծել իրենց սեփական հոգեբանական խնդիրները:
Հաղորդման հյուրը, աշխատելով պատերազմում որդիներին և ամուսիններին կորցրած կանանց հետ, նկատում է, որ հասարակությունը երբեմն նրանց պարտադրում է անընդհատ ցուցադրել իրենց վիշտը: Մինչդեռ, Խաչատուր Գասպարյանի համոզմամբ, ամեն մարդ իր ձևով է սգում, և հակառակը՝ նրանց օգնելու համար պետք է գտնել նրանց համար կյանքին կապող օղակները:
Խոսելով պատերազմում պարտության սթրեսը հաղթահարելու ուղիների մասին՝ հոգեբանը կարևորում է հերքման, մերժման փուլից իրականությանն առերեսվելու փուլին անցնելը: Միայն այդպես է հնարավոր շրջել տրավմայի էջը: Իսկ նոր էջ բացելու համար մենք պետք է հասկանանք, որ այլևս երբեք չենք ապրի այնպես, ինչպես ապրել ենք մինչ 44-օրյա պատերազմը:
Մանրամասները՝ տեսանյութում:
Արամ Աբրահամյան
