16.10.2026 | 00:55
Եվրոպա լիգա. «Արարատ-Արմենիան» պարտվեց «Յագելոնիային». ՏԵՍԱՆՅՈՒԹ
Վստահ եմ՝ Ալիևը Ռուբեն Վարդանյանի հեռանալուց հետո մեկ այլ պահանջ է դնելու․ սա խնդիր չի լուծելու․ Գայանե Աբրահամյան․ ՏԵՍԱՆՅՈՒԹ
Քաղաքականություն
23.02.2023 | 20:32
Ադրբեջանը Հաագայի դատարանում երկու պարտություն կրեց․ դատարանը մերժեց ՀՀ-ի դեմ միջանկյալ միջոց կիրառելու՝ Բաքվի միջնորդությունը, որով պահանջում էր ՀՀ-ին պարտավորեցնել ականներ չտեղափոխել Լաչինի միջանցքով։ Եվ Ադրբեջանի երկրորդ պարտությունը ՀՀ-ի հայցի մասնակի բավարարումն էր, որով Հաագայի դատարանը պարտավորեցրեց Ադրբեջանին ձեռնարկել բոլոր միջոցները՝ երաշխավորելու Լաչինի միջանցքով քաղաքացիների, տրանսպորտային միջոցների և բեռների՝ երկու ուղղություններով անխափան տեղաշարժը:
«Հանուն հավասար իրավունքների» կենտրոն ՀԿ ղեկավար Գայանե Աբրահամյանը Factor TV-ին տված հարցազրույցում ասում է, որ Հաագայի դատարանի որոշումը չափազանց կարևոր է դիվանագիտության տեսանկյունից։
«Իհարկե՝ որևէ մեկը չունի այդ պատրանքը, որ այս որոշումն անմիջապես հանգեցնելու է արդյունքի և միանգամից Ադրբեջանը բացելու է միջանցքը։ Անշուշտ, իրենք մանիպուլացնում են որոշումը, խեղաթյուրում են վճռի իրական բնույթը, ինչը տևելու է որոշակի ժամանակ։ Բայց նման վճիռները միջազգային տարբեր ատյաններում պետք է դիտարկել որպես որոշումներ, որոնք բավականին լուրջ հաղթաթուղթ են դառնալու ՀՀ-ի ձեռքին քաղաքականության և դիվանագիտության համար»,- ասաց Գայանե Աբրահամյանը։
Հարցազրույցն ամբողջությամբ՝ տեսանյութում։
Ռոբերտ Անանյան
