07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Բանակի սնունդը տանողը չի կարող հերոս լինել. Սասուն Միքայելյան. ՏԵՍԱՆՅՈՒԹ
Քաղաքականություն
19.06.2018 | 13:27
«Ես նման բան չէի պատկերացնի, գեներալ մարդը ո՞նց կարող էր նման բան անել: Զենքերի մասով սպասելի էր, բայց մնացածի առումով՝ ոչ»,- Ազգային ժողովում լրագրողների հետ զրույցում ասաց «Ելք» խմբակցության պատգամավոր Սասուն Միքայելյանը՝ նշելով, որ երկրում ստեղծված անպատժելիության մթնոլորտը նախորդ իշխանությունների բացթողումն է:
Հարցին՝ պատրա՞ստ է դատապարտել իր զինակից ընկերոջը, պատգամավորն արձագանքեց. «Իհարկե, արարքներ կան, որ աններելի են: Միշտ ասել եմ՝ բոլոր ժամանակներում մարդն իր արածների համար պետք է պատասխան տա: Գնահատականը տալու է ժամանակն ու ժողովուրդը»:
Անդրադառնալով Մանվել Գրիգորյանի այն հայտարարությանը, թե դատարանում նա իր անունը կվերականգնի, Միքայելյանն նշեց, որ դժվար է պատկերացնել՝ ինչ հակափաստարկներ պետք է ներկայացվեն: «Մենք էլ հիմա էդ հնարավորությունն ենք տալիս: Չեմ պատկերացնում ինչ հակափաստարկներ կարող են լինել, որ արդարանա: Իրավապահ մարմինները կպարզեն՝ նա միայնա՞կ է գործել, թե՞ ոչ: Երկրում միշտ բանդա է եղել, որն էլ նման գործողություններ է իրականացրել»,- շարունակեց պատգամավորը:
Մանրամասները՝ տեսանյութում
