15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Հայաստանի արտահանումը ԵՏՄ երկրներ 2022 թ.-ին աճել է 1,6 մլրդ դոլարով
Տնտեսություն
21.02.2023 | 18:25
2022 թ.-ին Եվրասիական տնտեսական միության (ԵՏՄ) փոխադարձ առևտրի ծավալն աճել է 10,3%-ով և կազմել 80,6 մլրդ դոլար: Նման տվյալներ է հայտնել Եվրասիական զարգացման բանկը (ԵԱԶԲ): Այս մասին հաղորդում է «Արմենպրես»-ը՝ վկայակոչելով Եվրասիական տնտեսական հանձնաժողովի (ԵԱՏՀ) հայտարարությունը:
«2022 թ.-ին ԵԱՏՄ-ի փոխադարձ առևտուրը հասել է իր առավելագույն մեծությանը և, ըստ բանկի վերլուծաբանների գնահատման, կազմել 80,6 միլիարդ դոլար (տարեկան կտրվածքով աճը՝ 10,3 %)», – հետևում է հաղորդագրությունից։
Հաղորդագրության մեջ ասված է, որ Հայաստանը, Բելառուսը, Ղազախստանը և Ղրղզստանն իրենց արտահանումը ԵԱՏՄ ավելացրել են 9,8 միլիարդ դոլարով (1,4 անգամ), որից Ռուսաստան՝ 9,5 միլիարդ դոլարով:
«Այսպես, Հայաստանի արտահանումը ԵՏՄ աճել Է 1,6 միլիարդ դոլարով (2,8 անգամ), Բելառուսինը՝ 5,6 միլիարդ դոլարով (1,3 անգամ), Ղազախստանինը՝ 1,9 մլրդ դոլարով (1,2 անգամ), Ղրղզստանինը՝ 646 մլն դոլարով (1,8 անգամ)», – նշված է հաղորդագրությունում։
ԵԱՏՀ-ում նշել են, որ Միության շուկայի նշանակությունը Հայաստանի և Ղրղզստանի համար Էականորեն աճել է: Միության երկրների բաժինը Հայաստանի ընդհանուր արտահանման մեջ 29,3%-ից աճել է մինչև 46,8%, Ղրղզստանինը՝ 28,8%-ից մինչև 65,8%:
