14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ես կանգնած եմ իմ լիազորությունների դադարեցման վտանգի շեմին. Զարուհի Նախշքարյան. ՏԵՍԱՆՅՈՒԹ
Հասարակություն
21.02.2023 | 17:25
Բարձրագույն դատական խորհուրդը քննում է դատավոր Զարուհի Նախշքարյանին կարգապահական պատասխանատվության ենթարկելու հարցը։
Զարուհի Նախշքարյանին կարգապահական պատասխանատվության ենթարկելու միջնորդությունը ներկայացրել է Արդարադատության նախարարությունը:
Միջնորդության հիմքը դատավորի հրապարակային խոսքն է, որով նա իր վերաբերմունքն է արտահայտել դատավոր Աննա Փիլոսյանի վերաբերյալ ԲԴԽ-ի կայացրած որոշման առնչությամբ:
Ըստ արդարադատության նախարարի՝ նա հրապարակայնորեն կասկածի տակ է առել դատավոր Փիլոսյանի վերաբերյալ ԲԴԽ դատական ակտը և դատարանի գործողությունները։
Նախարարության ներկայացուցչի խոսքով՝ Նախշքարյանին վերագրվել է վարքագծի կանոնների որոշակի խախտումներ, մասնավորապես դատական օրենսգրքի 69-րդ հոդվածի 1-ին մասի 6-րդ և 7-րդ կետերով սահմանված խախտումներ։
ԲԴԽ որոշումն ինձ համար անկանկալ էր և խնդրահարույց համաչափության տեսանկյունից»,- պարզաբանեց Նախշքարյանը՝ հավելելով, որ այսպիսի արտահայտություն արել է ԲԴԽ որոշման բովանդակությանը ծանոթանալուց հետո։
«Դուք ծաղկաքաղ եք արել իմ հարցազրույցից․ ձեր դեպքում դուք դա համարում եք թույլատրելի, իսկ մեր դեպքում՝ ոչ։
Ի՞նչն է պատճառը, որ դուք ծաղկաքաղ եք արել իմ հարցազրույցից և ֆեյսբուքյան գրառումներից` փորձելով մատուցել ձեր նախընտրած սոուսով։
Չորս դրվագներ եք նշել, որոնք տարբեր հարթակներում և տարբեր ժամանակահատվածներում են կատարվել, դուք համարում եք, որ գնահատողական վերաբերմունք եմ դրսևորել, կոնկրետ իմ ո՞ր արտահայտությունն է եղել պարսավելի և դատական իշխանության հեղինակությունը նսեմացնող։ Խնդրում եմ պարզաբանել» ,- դիմելով ԱՆ ներկայացուցիչներին՝ նշեց Նախշքարյանը։
Դատավոր Նախշքարյանի համար ընդունելի չէին նախարարության ներկայացուցչի պարզաբանումները։
«Ես կանգնած եմ իմ լիազորությունների դադարեցման վտանգի շեմին»,- հայտարարեց Զարուհի Նախշքարյանը։
Մանրամասները՝ տեսանյութում։
