17.05.2026 | 14:26
Խաբի Ալոնսոն` «Չելսիի» գլխավոր մարզիչ
«Ամբերդ ամրոց»-ի վարիչը մանկապղծության մեջ է մեղադրվել․ պատգամավորը դիմեց ԿԳՄՍՆ ներկայացուցչին․ ՏԵՍԱՆՅՈՒԹ
Հասարակություն
21.02.2023 | 16:14
ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովն այսօր երկրորդ ընթերցմամբ քննարկում է ««Պատմության և մշակույթի անշարժ հուշարձանների ու պատմական միջավայրի պահպանության եւ օգտագործման մասին» ՀՀ օրենքում փոփոխություններ եւ լրացումներ կատարելու մասին» և ««Գույքի նկատմամբ իրավունքների պետական գրանցման մասին» ՀՀ օրենքում լրացումներ կատարելու մասին» օրենսդրական փաթեթը:
Դիմելով ԿԳՄՍ նախարարի տեղակալ Ալֆրեդ Քոչարյանին, հանձնաժողովի անդամ Լիլիթ Գալստյանը նշեց, որ մինչ նախագծի վերաբերյալ հարց ուղղելը այլ կարևոր հարցի է ուզում անդրադառնալ։
Պատգամավորը նշեց, որ մամուլում տեղեկատվություն է շրջանառվում այն մասին, որ 2020-ին հարուցված քրեական գործով «Ամբերդ ամրոց» պատմամշակութային արգելոցի վարիչ Խաչիկ Վարազդատի Վարդանյանը մեղադրվում է մանկապղծության և արգելոցի տարածքում պարբերաբար անառակաբարո գործողություններ կատարելու մեջ, և այժմ նա շարունակում է պաշտոնավարել։
«Կարծում եմ՝ սա շատ կարևոր խնդիր է և անուշադրության մատնելը և համապատասխան դիրքորոշում չունենալը ճիշտ չէ։ ԿԳՄՍ-ն ինչպե՞ս է աձագանքել այս դեպքին»,- հետաքրքրվեց պատգամավորը և խնդրեց թույլ չտալ, որ հոգևոր անվտանգության դաշտ սպրդեն մանկապիղծներ։
ԿԳՄՍ փոխնախարարը նշեց, որ չի տիրապետում այդ տեղեկատվությանը և հավելեց, որ եթե պարզվի, որ այդ երևույթն առկա է և դա հաստատվի, բնականաբար տվյալ անձը ՀՀ իրավական ուժը ամբողջ խստությամբ կտեսնի։
«Ճիշտ է՝ այս հարցը իրավապահ մարմինների դաշտում պետք է լինի, բայց ԿԳՄՍ-ն, որպես լիազոր մարմին, հետամուտ կլինի այս հարցի լուծմանը»,- վստահեցրեց Քոչարյանը։
Մանրամասները՝ տեսանյութում։
