03.04.2026 | 23:13
NASA-ն հրապարակել է Երկրի նոր լուսանկարը
Խաչատուրովը կկալանավորվի՞․ ՌԴ ԱԳՆ-ն բողոքել է ՀՀ-ում ԵՄ առաքելությունից․ Լուրեր
Քաղաքականություն
21.02.2023 | 14:02
- ՀՀ ԶՈՒ երրորդ բանակային կորպուսի նախկին հրամանատար Գրիգորի Խաչատուրովին մեղադրանք է առաջադրվել փողերի լվացման գործով։ ԱԱԾ-ից հայտնել են, որ Խաչատուրովը ձերբակալվել է, այսօր քննվում է նրա կալանավորման հարցը։ Գրիգորի Խաչատուրովը ԶՈՒ ԳՇ նախկին պետ Յուրի Խաչատուրովի որդին է։
- Մոսկվան Հայաստանում ԵՄ քաղաքացիական առաքելությունը Ռուսաստանին տարածաշրջանից դուրս մղելու և անվտանգության գլխավոր երաշխավորի նրա պատմական դերը թուլացնելու փորձ է համարում։ Այս մասին ասված է ՌԴ ԱԳՆ պաշտոնական ներկայացուցիչ Մարիա Զախարովայի՝ ԵՄ առաքելության աշխատանքի մեկնարկի հետ կապված մեկնաբանությունում։ Ռուսական կողմից նաև ուշադրություն են հրավիրում Ադրբեջանի տեսակետին, թե Բաքվի կողմից այս նախաձեռնության վերաբերյալ հրապարակայնորեն արտահայտված բացասական գնահատականներն անտեսվում են։
- Աբու Դաբիում մեկնարկել է IDEX-2023 միջազգային ռազմարդյունաբերական ցուցահանդեսը, որին մասնակցում են նաև հայկական 18 ընկերություններ։ Հայաստանի միասնական տաղավարում նրանք ներկայացնում են տեղեկատվական, պաշտպանական և ռազմական նշանակության տեխնոլոգիաների, ինժեներական լուծումների ուղղությամբ ձեռքբերումները ու ներուժը:
Այս ժամի լուրերը՝ տեսանյութում։
