27.06.2026 | 14:41
Սպասվում է կարճատև անձրև և ամպրոպ, առանձին հատվածներում՝ նաև կարկուտ
Ղազախստանը չի կարողացել Բաքու-Թբիլիսի-Ջեյհանով սկսել նավթի արդյունահանումը Թուրքիայում երկրաշարժի պատճառով
Քաղաքականություն
21.02.2023 | 15:05
Ղազախստանի Tengizchevroil-ը, որը երկրի խոշորագույն նավթարդյունահանող ընկերությունն է, չի կարողացել Բաքու-Թբիլիս-Ջեյհան նավթամուղով սկսել նավթի արդյունահանումը Թուրքիայում տեղի ունեցած երկրաշարժի պատճառով, գրում են ադրբեջանական լրատվամիջոցները։
Tengizchevroil-ի գործադիր տնօրեն Քևին Լայոնն ասել է, որ Թուրքիայում տեղի ունեցած երկրաշարժն ազդել է տեղական ենթակառուցվածքների, այդ թվում՝ «Ջեյհան» տերմինալի վրա։ Նա նշել է, որ ներկայում ընկերությունը չի կարող փորձնական մատակարարումներ սկսել, ուստի այդ երթուղին մնում է անգործունակ։
Ղազախական ընկերությունը փորձում էր օգտագործել Բաքու-Թբիլիսի-Ջեյհան խողովակաշարը՝ դիվերսիֆիկացնելու արտահանման առկա հնարավորությունները։
Հավելենք, որ երկրաշարժը խնդիրներ էր ստեղծել նաև Ադրբեջանի նավթի արտահանման համար։ Որոշ ժամանակ հում նավթի արտահանումը Բաքու-Թբիլիսի-Ջեյհան (ԲԹՋ) խողովակաշարով և Թուրքիայի գլխավոր նավթային տերմինալով՝ «Ջեյհան»-ով, դադարեցվել էր։
Էմմա Չոբանյան
