«Գրիգորի Խաչատուրովի նկատմամբ հետապնդումը քաղաքական դրդապատճառ ունի». Գեղամ Մանուկյան․ ՏԵՍԱՆՅՈՒԹ

«2018-ից Հայաստանում մեկնարկել է Հայաստանի զինված ուժերի եւ բանակի դեմ հարձակումների, քաղաքական հետապնդումների քաղաքականությունը, եւ նույն տրամաբանության մեջ Գրիգորի Խաչատուրովի ձերբակալությունը եւ այս դատաքննությունը դրա վառ վկայությունն են: Այս մասին, այսօր լրագրողների հետ զրույցում նշեց ԱԺ «Հայաստան» խմբակցության պատգամավոր Գեղամ Մանուկյանը:

Պատգամավորի խոսքով՝ իշխանությունները սեփական հանցանքներն ու մեղքերը քողարկելու համար փորձում է թիրախավորել հանրության համար հարգելի անձանց՝ նախկին զինվորականների, տարբեր գործիչների:

Անդրադառնալով հարցին, թե ինչու են հենց զինվորականներին թիրախավորում, Մանուկյանը պատասխանեց. «Խորքային պատճառ կա; ՔՊ-ն գենետիկորեն ատում է բանակը: Այս քաղաքական ուժի շատ ներկայացուցիչներ իշխանության գալուց առաջ էլ տարիներ շարունակ պայքարել են  բանակի դեմ: Այսօր իրականում մեր երկիրը անվտանգության խնդիր ունի, որովհետեւ ԱԽ քարտուղարը բանակի դեմ տարբեր ձեւերով տարիներ շարունակ պայքար մղած անձ է: ԱԺ-ում բազմել են շատերը, որոնք տարիներ շարունակ բանակի դեմ են պայքարել, ծաղրել են ազգ-բանակ գաղափարը, հայրենասիրությունը, ազգային գաղափարախոսության գաղափարը»:

Մանուկյանի դիտարկմամբ, Նիկոլ Փաշինյանը կուլ չի տալիս Գրիգորի Խաչատուրովի հայտնի ստորագրությունը, թույլ չի տալիս հստակ դիրքորոշումն ու կեցվածքները, նաև իրենց ընտանիքի քաղաքական կեցվածքը. «Փոքրոգի մարդկանց բնորոշ հատկանիշ է, որ կանգ չեն առնում որեւէ կարմիր գծի առաջ և կարող են ոտնատակ տալ ամեն ինչ:

Մանրամասները՝ տեսանյութում։