16.08.2026 | 16:43
Ըմբիշներ Յուրիկ Պետրոսյանն ու Սամվել Տերտերյանը ԱԱ կիսաեզրափակչում են
Թուրքիայում նոր երկրաշարժերի հետևանքով հայկական Վաքըֆ գյուղը վնասներ է կրել
Քաղաքականություն
21.02.2023 | 13:44
Թուրքիայում հայաբնակ մնացած միակ՝ Վաքըֆ գյուղը, որը փետրվարի 6-ի ավերիչ երկրաշարժից հիմնականում չէր տուժել, նախօրեին տեղի ունեցած երկրաշարժերից վնասներ է կրել։ Այս մասին հայտնում է Ստամբուլի հայկական «Մարմարա» օրաթերթը։
Հիշեցնենք, որ նախօրեին Հաթայ նահանգում երկու նոր երկրաշարժ է տեղի ունեցել։ Ըստ Աղետների ու արտակարգ իրավիճակների կառավարման վարչության՝ ժամը 20։04-ին տեղի է ունեցել 6,4 մագնիտուդով երկրաշարժ Դեֆնե շրջանում, երեք րոպե անց Սամանդաղում՝ 5,8 մագնիտուդով։
«Հաթայում 6,4 և 5,8 մագնիտուդով երկրաշարժերը վնասներ են հասցրել նաև Վաքըֆում։ Նախորդ երկրաշարժից տուժած որոշ շենքեր քանդվել են։ Զոհեր չկան, բայց կան վիրավորներ»,- ասվում է լրատվամիջոցի թվիթերյան գրառման մեջ։
Հավելենք, որ նոր երկրաշարժերի հետևանքով Թուրիայում 6 մարդ է զոհվել, վիրավորների թիվը 294 է։
Էմմա Չոբանյան
