24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
ԵՄ-ն սկսել է դիտորդական առաքելությունը Հայաստանում. Պապիկյանը հանդիպել է ԱՄՆ ՊՆ պաշտոնյայի հետ. Լուրեր
20.02.2023 | 18:43
- Եվրամիությունն այսօր մեկնարկում է Հայաստանում ԵՄ քաղաքացիական առաքելությունը։ Այս մասին հայտարարություն է տարածել ԵՄ խորհուրդը։ Առաքելության անձնակազմը կազմված է 100 հոգուց՝ ներառյալ շուրջ 50 անզեն դիտորդներ։ Առաքելության օպերատիվ շտաբը կլինի ՀՀ Վայոց ձորի մարզի Եղեգնաձոր քաղաքում։ Նշվում է, որ Հայաստան-Ադրբեջան սահմանի հայկական կողմում իր տեղակայման միջոցով առաքելության նպատակն է՝ նպաստել Հայաստանի սահմանամերձ շրջաններում կայունությանը, վստահության և մարդկային անվտանգության ամրապնդմանը հակամարտությունից տուժած տարածքներում և ապահովել ԵՄ-ի կողմից աջակցվող Հայաստանի ու Ադրբեջանի միջև հարաբերությունների կարգավորման ջանքերին նպաստող միջավայրին։
- ԱՄԷ-ում ՀՀ պաշտպանության նախարար Սուրեն Պապիկյանը հանդիպել է ԱՄՆ Պաշտպանության դեպարտամենտի պաշտպանական և անվտանգային համագործակցության գործակալության տնօրեն Ջիմ Հարշի հետ, քննարկվել են ռազմատեխնիկական համագործակցության հնարավորություններին առնչվող հարցեր։
- Արցախի արտաքին գործերի նախարար Սերգեյ Ղազարյանը փետրվարի 12-16-ն աշխատանքային այցով գտնվել է Ռուսաստանում։ Նախարարը հանդիպումներ է ունեցել հասարակական, քաղաքական, փորձագիտական շրջանակների և հայ համայնքի ներկայացուցիչների հետ։
Այս ժամի լուրերը՝ տեսանյութում։
