07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ջո Բայդենը Կիևում հայտարարել է Ուկրաինային օգնության նոր փաթեթի մասին
Քաղաքականություն
20.02.2023 | 15:01
Ուկրաինայի նախագահ Վլադիմիր Զելենսկին հաստատել է, որ ԱՄՆ նախագահ Ջո Բայդենը չհայտարարված այցով ժամանել է Կիև։
«Ջոզեֆ Բայդեն, ողջունում եմ ձեզ Կիևում։ Ձեր այցը բոլոր ուկրաինացիների աջակցության չափազանց կարևոր դրսևորում է»,- գրել է նա Telegram-ում։
Korrespondent-ը նշում է, որ Բայդենի այցն ընթանում է օդային տագնապի ազդանշանի պայմաններում։ ՌԴ-ն հերթական անգամ Բելառուսի օդանավակայաններից օդ է բարձրացրել ՄիԳ-31 ինքնաթիռներ, որոնք հիպերձայնային «Կինժալ» հրթիռների կրող են։
Կիևում նախագահ Վլադիմիր Զելենսկիի հետ ճեպազրույցում Ջո Բայդենը հայտարարել է, որ ԱՄՆ-ն Ուկրաինային 500 մլն դոլարի ռազմական օգնության նոր փաթեթ կտրամադրի, փոխանցում է Korrespondent-ը։
«Այսօր հայտարարված փաթեթը ներառում է զինամթերք HIMARS-ի և հաուբիցների համար, ավելի շատ Javelin հրթիռներ, հակատանկային համակարգեր, օդային հսկողության համակարգեր՝ ուկրաինացի ժողովրդին ռմբակոծությունից պաշտպանելու համար»,- ասել է Բայդենը։
ԱՄՆ նախագահը նաև ներկայացրել է Ուկրաինային զենք մատակարարելու պարտավորությունները՝ ավելի քան 700 տանկ, հազարավոր զրահատեխնիկա, հազար հրետանային համակարգ, ավելի քան 2 միլիոն հրետանային արկ և այլն։
Տաթև Ֆռանգյան
