26.02.2026 | 21:37
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
Բրազիլիայում հորդառատ անձրևները ջրհեղեղներ և սողանքներ են առաջացրել
Քաղաքականություն
20.02.2023 | 15:39
Բրազիլիայի հարավ-արևելյան Սան Պաուլո նահանգում հորդառատ անձրևների հետևանքներից 36 մարդ է զոհվել։ Առատ տեղումների հետևանքով ջրհեղեղներ և սողանքներ են գրանցվել։ Այս մասին հայտնում է Globo-ն՝ տեղական վարչակազմին հղումով։
Հաղորդվում է, որ աղետի զոհերից մեկը՝ 7-ամյա աղջիկ, մահացել է Ուբատուբայի շրջանում՝ տան վրա 2 տոննա կշռող քարի ընկնելու հետևանքով, ևս 35 մարդ մահացել է Սան Սեբաստիանում։
Աղբյուրի փոխանցմամբ՝ Սան Սեբաստիանում փրկարարները փլատակների տակից դուրս են բերել ծննդաբերող կնոջը երեխայի հետ, ինչպես նաև երկու տարեկան տղայի։ Նահանգի ղեկավարության տվյալներով՝ աղետի պատճառով 228 մարդ լքել է իրենց տները, 338 բնակիչ մնացել է անօթևան։
Սան Սեբաստիանի ղեկավար Ֆելիպե Աուգուստոյի խոսքով՝ մունիցիպալիտետում ավերվել է 50 տուն, բացի այդ՝ Սան Պաուլոյի որոշ շրջաններում կապի, էլեկտրաէներգիայի և ջրամատակարարման խնդիրներ կան։
Տարսիու դե Ֆրեյտասի նահանգապետն արտակարգ դրություն է հայտարարել Ուբատուբայում, Սան Սեբաստիանում և հարակից Իլհաբել, Կարագուատատուբա և Բերտիոգա մունիցիպալիտետներում։
Տաթև Ֆռանգյան
