19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Բլինքենն ու Չավուշօղլուն քննարկել են Հարավային Կովկասում իրավիճակը
Քաղաքականություն
20.02.2023 | 12:51
Թուրքիայում գտնվող ԱՄՆ պետքարտուղար Էնթոնի Բլինքենն իր թուրք պաշտոնակից Մևլութ Չավուշօղլուի հետ Անկարայում բանակցություններ է անցկացրել, որի ընթացքում քննարկվել է նաև իրավիճակը Հարավային Կովկասում։ Այս մասին համատեղ մամուլի ասուլիսում հայտարարել է Չավուշօղլուն։
«Հանդիպման ընթացքում մենք հնարավորություն ունեցանք գնահատելու միջազգային և տարածաշրջանային խնդիրները, ինչպես նաև մեր երկկողմ հարաբերությունները։ Հարավային Կովկասը մեր օրակարգում էր։ Վերջերս թե՛ ես, թե՛ Էնթոնի Բլինքենը շփումներ են ունեցել Ադրբեջանի և Հայաստանի հետ։ Մեր նպատակն է կայուն խաղաղություն հաստատել Հարավային Կովկասում։ Շարունակելու ենք հետագայում էլ աշխատել այս ուղղությամբ»,- ասել է Թուրքիայի ԱԳ նախարարը։
Հավելենք, որ Բլինքենը նախօրեին է ժամանել Թուրքիա։ Նա հայտնել է, որ ԱՄՆ-ը 100 մլն դոլար օգնություն կտրամադրի երկրաշարժից տուժածների համար, որը կավելացնի Թուրքիայում և Սիրիայում աղետից տուժածներին ԱՄՆ-ի մարդասիրական օգնության ընդհանուր գումարը՝ հասցնելով 185 միլիոն դոլարի։
Այսօր ավելի ուշ ամերիկացի բարձրաստիճան պաշտոնյան հանդիպելու է Թուրքիայի նախագահ Ռեջեփ Թայիփ Էրդողանին։
Էմմա Չոբանյան
