20.03.2026 | 19:21
Նոր նշանակումներ Քննչական կոմիտեում
Իսրայելում մասսայական բողոքի ցույցեր են․ ավելի քան 250 հազար մարդ է փողոց դուրս եկել
Քաղաքականություն
19.02.2023 | 12:18
Մոտ 250 հազար մարդ ամբողջ Իսրայելում դուրս է եկել փողոց՝ բողոքելու դատական բարեփոխումների դեմ: Այս մասին գրում է «ՌԻԱ Նովոստի»-ն՝ հղում անելով Jerusalem Post-ին, որն էլ վկայակոչում է ցույցերի կազմակերպիչներին։
«Մոտ քառորդ միլիոն իսրայելցիներ միացել են ցույցերին Իսրայելի ավելի քան 60 վայրերում»,- ասվում է հաղորդագրության մեջ, որը տարածել են բողոքի ակցիայի կազմակերպիչները:
Վերջիններիս տվյալներով՝ Թել Ավիվում բողոքի ցույցի է դուրս եկել գրեթե 135 հազար մարդ։
Ավելի վաղ Times of Israel թերթը հայտնել էր, որ դատաիրավական բարեփոխումների մասին օրինագիծը կքննարկվի փետրվարի 20-ին Քնեսեթի պլենումում։ Արդարադատության նախարարությունը վստահեցրել է, որ կառավարությունը չի նախատեսում կասեցնել կամ հետաձգել դատաիրավական բարեփոխումների խթանումը, չնայած երկրի նախագահ Յիցհակ Հերցոգի համապատասխան կոչին և դրա դեմ հազարավոր բողոքի ցույցերին։
Երկուշաբթի օրը Կնեսետի խորհրդարանի օրենսդրական հանձնաժողովը հաստատել է դատաիրավական բարեփոխումների առաջին փուլը՝ առաջին ընթերցմամբ հետագա քննարկման համար։ Ակնկալվում է, որ օրինագիծը կավելացնի կառավարության վերահսկողությունը դատավորների ընտրող հանձնաժողովի նկատմամբ և կսահմանափակի Գերագույն դատարանի կողմից հիմնարար օրենքների նկատմամբ դատական վերանայման օգտագործումը:
