Բաքուն ամեն ինչ անում է, որ Թուրքիան «չդավաճանի» Ադրբեջանին․ Արևմուտքը պետք է ճնշի Անկարային․ Կայծ Մինասյան․ ՏԵՍԱՆՅՈՒԹ

Լուրեր

19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան AECOM-ը ներկայացրել է ԹՐԻՓՓ-ի երկաթուղու ինժեներական ուսումնասիրության նախնական արդյունքները․ ՀՀ-ՌԴ բանակցությունները շարունակվում են
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
Բոլորը

Factor TV-ի հարցազրույցը քաղաքագետ Կայծ Մինասյանի հետ

-Պարո՛ն Մինասյան, Նիկոլ Փաշինյանը հայտնեց, որ Հայաստանն ավարտել է Ադրբեջանի հետ խաղաղության և հարաբերությունների հաստատման պայմանագրի նախագծի հերթական փուլի աշխատանքները և առաջարկները փոխանցել է ադրբեջանական կողմին։ Դրանք նաև ԵԱՀԿ Մինսկի խմբի երկրներին են փոխանցվել։ Այդ առաջարկներից, սակայն, բովանդակային մանրամասներ հայտնի չեն։ Ձեր կարծիքով՝ ինչպե՞ս կարձագանքի Բաքուն՝ հաշվի առնելով մինչ այս ադրբեջանական իշխանությունների ապակառուցողական դիրքորոշումը։

-Լավ է, որ Հայաստանը նախաձեռնություն ցուցաբերեց այդ հարցում՝ այդ առաջարկները դնելով սեղանին և ուղարկելով Ադրբեջանին ու ԵԱՀԿ Մինսկի խմբի երկրներին։ Եվ նույնիսկ եթե բովանդակության մասին չգիտենք, բայց շատ հավանական է, որ կան պայմաններ, որ Հայաստանը կիսում է, այն է՝ հարգել տարածքային ամբողջականությունը և այլն։ Վստահ եմ՝ կա նաև, այսպես ասենք, հավելված Արցախի մասին՝ ժողովրդի, քաղաքական իրավունքների մասին։ Եվ, թերևս, այդտեղ է Ադրբեջանի խնդիրը, որը չի ուզում, որ որևէ մեկը խոսի կամ առիթ ունենա խոսելու Արցախի մասին։ Բաքվի համար, եթե կա որևէ պաշտանական փաստաթուղթ կամ խաղաղության պայմանագիր, որտեղ գրված է, թե Արցախի ժողովուրդն իր իրավունքներն ունի, խնդիր է, քանի որ կարող է վաղը դա օգտագործվել իբրև միջոց կամ գործիք Ադրբեջանի դեմ։ Ադրբեջանն ավելի քան երկու տարի է՝ ցանկանում է իր քաղաքական հաղթանակը տեսնել, որը դեռ չկա․ կա միայն ռազմական հաղթանակ, քաղաքական՝ ոչ։ Վստահաբար, Ադրբեջանը կասի՝ 80 տոկոսով ենք ընդունում այդ պայմանագիրը, ի վերջո, Արցախի հարցը պայմանագրից դուրս կմնա։ Այդտեղ է, որ կա՛մ միջազգային հանրությունը, կա՛մ որևէ կարևոր պետություն, ասենք՝ Մինսկի խմբից (ոչ միայն Ռուսաստան), պետք է երաշխավորի Արցախի իրավունքների մասին կետը։ Չպետք է քանդել բանակցություններն այդ կետի համար, լուծում կա։

-Իսկ ո՞րն է այդ լուծումը։ Արցախի հարցը տարաձայնությունների հիմնական կետերից է։

-Ես կարծում եմ՝ շատ իրատես պետք է լինենք, դա ասում եմ ոչ միայն հայերին, այլև ամբողջ տարածաշրջանի պետություններին ու միջազգային հանրությանը։ Ի՞նչ անենք այդ ժողովրդի հետ։ Անշուշտ՝ չի կարելի կոտորել, չի կարելի տեղափոխել, բայց ի՞նչ անել։ Այդ ժողովուրդն իր իրավունքներն ունի՞, թե՞ ոչ՝ այնտեղ մնալու, այնտեղ ապրելու։ Եթե ունի, երաշխավորեք նրանց կյանքը։ Եվ միջազգային իրավունքը լծակներ, գործիքներ ունի՝ երաշխավորելու Արցախի ժողովրդի իրավունքները։ Ուրեմն՝ այդ պատասխանատվությունը միայն Հայաստանինը և Ադրբեջանինը չէ։ Ամբողջ միջազգային հանրությունը, եթե ոչ՝ ՄԱԿ-ի Անվտանգության խորհուրդը պետք է երաշխավորի, մեխանիզմ ստեղծի, որպեսզի Արցախի ժողովուրդների իրավունքները հարգվեն։

Հարցազրույցն ամբողջությամբ՝ տեսանյութում։

Թամարա Հակոբյան