16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Փաշինյան-Ալիև հանդիպման մասին տեղեկություն չկա․ ձերբակալվեց Վարդենիսի տուն-ինտերնատի ղեկավարը․ Լուրեր
Քաղաքականություն
17.02.2023 | 15:50
- Այս պահին դեռևս հայտնի չէ՝ Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը կհանդիպե՞ն Մյունխենի անվտանգության համաժողովի շրջանակներում, թե՞՝ ոչ։ Այս մասին Factor.am-ին փոխանցել են ՀՀ կառավարությունից։
- ԵՄ-ն շարունակում է լրջորեն անհանգստացած մնալ Լաչինի միջանցքի փակման հետևանքով տեղաշարժի ազատության շարունակական սահմանափակումներով, որոնց հետևանքով բնակչության համար առաջանում են կենսական նշանակություն ունեցող ապրանքների մատակարարման խափանումներ։ Այս մասին նշվում է ԵՄ արտաքին քաղաքականության ու անվտանգության հարցերով բարձր ներկայացուցիչ Ժոզեպ Բորելի պարզաբանման մեջ։ Նշվում է, որ ԵՄ-ն Ադրբեջանին կոչ է արել միջոցներ ձեռնարկել իր իրավասության տակ գտնվող 2020 թ-ի նոյեմբերի 9-ի եռակողմ հայտարարության իր պարտավորություններին համաձայն՝ ապահովելու միջանցքով ազատ տեղաշարժն ու անվտանգությունը։ Միևնույն ժամանակ շեշտվում է, որ Ռուսաստանի պատասխանատվությունը ևս պետք է ընդգծել, որի խաղաղապահ զորախումբը վերահսկում է Լաչինի միջանցքը նույն եռակողմ հայտարարության համաձայն։
- Վարդենիսի նյարդահոգեբանական տուն-ինտերնատի տնօրենը և մի խումբ աշխատակիցներ ձերբակալվել են։ Ոստիկանությունից հայտնել են, որ իրենց տեղեկություններով՝ կառույցի ղեկավարը բուժառուներին ամբողջությամբ չի տրամադրել նրանց հասնող սնունդն ու ծխախոտը, նրանց աշխատացրել է սեփական կարիքների համար և այլն։
Այս ժամի լուրերը՝ տեսանյութում։
