08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Զախարովան հրաժարվել է մեկնաբանել ՀՀ-Ադրբեջան խաղաղության պայմանագրի շուրջ քննարկումների մանրամասները
Քաղաքականություն
17.02.2023 | 14:54
ՌԴ ԱԳՆ պաշտոնական ներկայացուցիչ Մարիա Զախարովան հրաժարվել է մեկնաբանել ՀՀ-Ադրբեջան խաղաղության պայմանագրի շուրջ քննարկումների մանրամասները՝ դրանք անվանելով զգայուն։
«ՀՀ-ի ու Ադրբեջանի միջև պայմանավորվածությունների առումով մենք շարունակում ենք աջակցել մեր գործընկերներին, ինչի մասին պարբերաբար տեղեկացնում ենք։ Օրերս կայացել է կարևոր այց․ Երևանում և Բաքվում է եղել Սերգեյ Վիկտորովիչ Լավրովի ՝ Հայաստանի և Ադրբեջանի հարաբերությունների բարելավման հարցերով հատուկ ներկայացուցիչ Իգոր Խավաևը։ Ե՛վ հայկական, և՛ ադրբեջանական կողմերն հաստատել են իրենց շահագրգռվածությունը ՌԴ միջնորդական ջանքերին։ Հաշվի առնելով խաղաղության պայմանագրի զգայունությունը՝ ես խորհրդակցությունների մանրամասները չեմ ներկայացնի»,- հայտարարել է Զախարովան ամենշաբաթյա ճեպազրույցի ժամանակ՝ նշելով, որ վերահաստատում է Մոսկվայի պատրաստակամությունը՝ հյուրընկալելու ՀՀ-ի ու Ադրբեջանի ԱԳՆ ղեկավարներին։
Տաթև Ֆռանգյան
