15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
ԵՄ-ն Ադրբեջանին կոչ է արել ապահովել Լաչինի միջանցքով ազատ տեղաշարժը․ Բորել
Քաղաքականություն
17.02.2023 | 12:45
ԵՄ արտաքին քաղաքականության ու անվտանգության հարցերով բարձր ներկայացուցիչ Ժոզեպ Բորելը պատասխանել է Եվրախորհրդարանի պատգամավոր Դեմետրիս Պապադակիսի հարցմանը Լաչինի միջացքի փակման առնչությամբ։
«2022 թ-ի դեկտեմբերից սկսած ԵՄ-ն ուշադրությամբ հետևում է Լաչինի միջանցքի ու դրա շուրջ իրավիճակին և հումանիտար հետևանքներին։ ԵՄ-ն մնում է լրջորեն անհանգստացած տեղաշարժի ազատության շարունակական սահմանափակումներով, որոնց հետևանքով բնակչության համար առաջանում են կենսական նշանակություն ունեցող ապրանքների մատակարարման խափանումներ։ Բարձր ներկայացուցիչ Բորելը ԵՄ Հարավային Կովկասի հատուկ ներկայացուցիչ Տոյվո Կլաարի աջակցությամբ մնում է սերտ շփման մեջ երկու կողմերի հետ։ ԵՄ-ն Ադրբեջանին կոչ է արել միջոցներ ձեռնարկել իր իրավասության տակ գտնվող 2020 թ-ի նոյեմբերի 9-ի եռակողմ հայտարարության իր պարտավորություններին համաձայն՝ ապահովելու միջանցքով ազատ տեղաշարժն ու անվտանգությունը։ Ռուսաստնի պատասխանատվությունը ևս պետք է ընդգծել, որի խաղաղապահ զորախումբը վերահսկում է Լաչինի միջանցքը նույն եռակողմ հայտարարության համաձայն»,-ասվում է պատասխանում։
Նաև նշվում է, որ ԵՄ-ն հայ-ադրբեջանական հակամարտության հետևանքների վերացման համար 3,6 մլն եվրո հումանիտար աջակցություն է տրամադրել 2022 թ-ի համար։ Այն հատկացվել է Կարմիր խաչին։ «2020թ-ի հակամարտության սրացումից ի վեր ԵՄ-ն տրամադրել է մոտ 27 միլիոն եվրո մարդասիրական օգնություն՝ ռազմական գործողություններից տուժած առավել խոցելի բնակչությանն աջակցելու համար»,-ասվում է պատասխանում։
Էմմա Չոբանյան
