08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԱՄՆ-ը և դաշնակիցները ՌԴ-ի դեմ «պատժամիջոցների մեծ փաթեթ» են պատրաստում մինչև փետրվարի 24-ը
Քաղաքականություն
17.02.2023 | 13:53
ԱՄՆ-ը և նրա դաշնակիցները պատժամիջոցների զանգվածային փաթեթ կներկայացնեն Մոսկվայի դեմ Ուկրաինա Ռուսաստանի ներխուժման տարելիցի կապակցությամբ։ Այս մասին հայտարարել է պետքարտուղարի քաղաքական հարցերով տեղակալ Վիկտորյա Նուլանդը, փոխանցում է DW-ի ռուսական ծառայությունը։
«Փետրվարի 24-ին մոտ դուք կտեսնեք պատժամիջոցների նոր մեծ փաթեթ՝ ինչպես ԱՄՆ-ից, այնպես էլ G7-ի մեր բոլոր գործընկերներից»,- լրագրողներին ասել է Նուլանդը։
Նրա խոսքով՝ այդ պատժամիջոցները «կխորացնեն և կընդլայնեն» նախկին սահմանափակումները, մասնավորապես՝ ռուսական պաշտպանական արդյունաբերությանը տեխնոլոգիաների մատակարարման վերաբերյալ։ Արևմտյան երկրները նաև անհատական պատժամիջոցներ են պատրաստում այն անձանց նկատմամբ, որոնք մասնակցում են Ուկրաինայի դեմ պատերազմին կամ աջակցում են նրան։
Այն երկրները, որոնք օգնում են Ռուսաստանին շրջանցել արդեն իսկ սահմանված պատժամիջոցները, նույնպես կարող են ենթարկվել սահմանափակումների։ Բացի այդ, նախատեսվում է ընդլայնել ռուսական բանկերի դեմ պատժամիջոցները։
Տաթև Ֆռանգյան
