23.03.2026 | 10:03
Արտարժույթների փոխարժեքները՝ մարտի 23-ի դրությամբ
Երեխաս մի ժամից գալու է, ի՞նչ պատասխան տամ, ո՞ւր գնանք․ ՊՆ նախկին շենքի բնակիչ․ ՏԵՍԱՆՅՈՒԹ
Հասարակություն
16.02.2023 | 15:36
Այսօր վաղ առավոտից ՊՆ նախկին շենքի մոտ լարված իրավիճակ էր: Ոստիկանները դուրս հանեցին այդ շենքում տարիներ շարունակ բնակություն հաստատած քաղաքացիներին:
Պաշտոնական հաղորդագրության համաձայն՝ բնակիչներն այստեղ հաստատվել են ապօրինի։
««Դռները կոտրել, բոլորին դուրս են հանել»։ «Երեխային դպրոց էի տարել, եկա, ոստիկանները չթողեցին տուն մտնեմ, ասում են՝ սա քո տունը չէ, պետական է»։ «Երեխաս մի ժամից գալու է, ի՞նչ պատասխան տամ, ո՞ւր գնանք», լրագրողների հետ զրույցում նշեցին ՊՆ նախկին շենքի բնակիչները։
Նշենք, որ կառավարությունը 2022 թվականի մայիսին Երևան-Աշտարակ մայրուղու վրա գտնվող ՊՆ նախկին վարչական համալիրի շենքը փոխանցել է Հայաստանի պետական եկամուտների կոմիտեի հաշվեկշռին։ Պետեկամուտների կոմիտեն էլ դիմել է ոստիկանություն՝ պահանջելով մաքրել տարածքը «ապօրինի ներխուժած անձանցից»։
Աշխատանքի և սոցիալական հարցերի նախարարությունը հաղորդագրություն է տարածել, ըստ որի՝ իր լիազորությունների շրջանակում անհրաժեշտ աշխատանքներ է իրականացնում՝ ՊՆ նախկին շենքի բնակիչներին ժամանակավոր կեցության ապահովման ուղղությամբ։
Մանրասները՝ տեսանյութում։
