07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԱԻՆ-ի միջոցով Արցախ հումանիտար օգնություն չի ուղարկվել. Արմեն Փամբուխչյան․ ՏԵՍԱՆՅՈՒԹ
Տեսանյութեր
16.02.2023 | 12:52
ԱԻՆ-ի միջոցով շրջափակման մեջ գտնվող Արցախ մարդասիրական օգնություն չի ուղարկվել։ Կառավարության նիստից հետո լրագրողների հետ զրույցում ասաց ԱԻ նախարար Արմեն Փամբուխչյանը։
Նախարարը հիշեցրեց, որ մոտ մեկ ամիս առաջ ՀՀ կառավարությունը հավելյալ 4 մլրդ դրամ է հատկացրել Արցախին։
Պատասխանելով հարցին, թե ինչու է Սիրիային ՀՀ–ն 30 և 25 տոննա օգնություն ուղարկվել, իսկ Թուրքիա ուղարկած միայն առաջին օգնությունը 100 տոննա էր, Փամբուխչյանը նշեց․ «Օգնությունն ուղարկվել է ըստ նշված կարիքների. երկու երկրներին ընդհանուր 180 տոննա բեռ է ուղարկվել։ Ընդհանուր առմամբ, երկրաշարժից տուժած Սիրիային ու Թուրքիային ՀՀ կառավարության պահուստային ֆոնդից հատկացվել է 158 մլն դրամ»։
Նախարարի խոսքով՝ երկու երկրներ ուղարկված հայ փրկարարներն ավարտել են իրենց աշխատանքները»։
Անդրադառնալով հարցին, թե որևէ ակնկալիք ունե՞ն Թուրքիայից, որ մարդասիրական օգնություններից հետո կփոխի ՀՀ–ի նկատմամբ վերաբերմունքը` Փամբուխչյանը պատասխանեց, թե ՀՀ-ն իր մարդասիրական գործառույթներն է անում, մնացածի մասով ոչինչ ասել չի կարող։
Մանրամասները՝ տեսանյութում։
