17.05.2026 | 17:13
Մետրոպոլիտենում առաջացած տեխնիկական խափանումը վերացվել է
Եվրահանձնաժողովը պաշտոնապես ներկայացրել է ՌԴ-ի դեմ պատժամիջոցների տասներորդ փաթեթը
Քաղաքականություն
15.02.2023 | 17:57
Եվրահանձնաժողովի ղեկավար Ուրսուլա Ֆոն դեր Լեյենը խոսել է ուկրաինական պատերազմի հետ կապված ԵՄ պատժամիջոցների 10-րդ փաթեթով նախատեսված հիմնական միջոցների մասին։
Twitter-ում պաշտոնյան թվարկել է երեք հիմնական ուղղության սահմանափակումներ.
1․ Ընդլայնել այն ապրանքների ցանկը, որոնց վաճառքն արգելված է Ռուսաստանին։ Հաղորդվում է, որ խոսքը էլեկտրոնիկայի, մասնագիտացված մեքենաների, մեքենաների մասերի, բեռնատարների մասերի, ինչպես նաև շինարարության ոլորտի ապրանքների մասին է, որոնք կարող են օգտագործել ռուս զինվորականները։
2․ Երկակի նշանակության տեխնիկական բաղադրիչների արտահանման արգելք։ Մասնավորապես, ԵՄ-ն պատժամիջոցների փաթեթում կներառի 47 տեսակի էլեկտրոնային բաղադրիչներ, որոնք կարող են օգտագործվել զենքի արտադրության համար (Եվրահանձնաժողովը հայտարարել է Իրանի դեմ պատժամիջոցների կիրառման մասին, որը Մոսկվային կամիկաձե անօդաչու սարքեր է մատակարարում)։
3․ Ընդլայնել անձնական պատժամիջոցների ենթարկված ռուսաստանցիների ցուցակը. դրանում ներառվելու են զինվորականներ և քարոզչական ապարատի անձնակազմը։
Ավելի վաղ ԶԼՄ-ները հայտնել էին, որ պատժամիջոցների ցանկում կարող են ներառվել նաև ևս երեք ռուսական բանկեր։ Խոսքը Alfa-Bank-ի, Tinkoff-ի և Rosbank-ի մասին է։
Սպասվում է, որ Եվրամիությունը Ռուսաստանի դեմ պատժամիջոցների տասներորդ փաթեթը կհաստատի Ուկրաինա ռուսական ներխուժման տարելիցի կապակցությամբ։
Տաթև Ֆռանգյան
