30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
ՀՀ-ն պատրաստ է Թուրքիայի հետ դիվանագիտական հարաբերությունների հաստատմանն ու սահմանի լիարժեք բացմանը. Արարատ Միրզոյան
Քաղաքականություն
15.02.2023 | 16:16
ՀՀ ԱԳ նախարար Արարատ Միրզոյանը թվիթերյան գրառմամբ անդրադարձել է Թուրքիայի ԱԳ նախարար Մևլութ Չավուշօղլուի հետ հանդիպմանը։
«Այսօրվա մեր հանդիպումը պայմանավորված էր աղետով, որն արժեցավ բազում կյանքեր։ Լինելով Թուրքիայում այս դժվարին պահին՝ ցանկանում եմ արտահայտել Հայաստանի պատրաստակամությունն ու կամքը տարածաշրջանում խաղաղություն կառուցելու, դիվանագիտական հարաբերություններ հաստատելու, Հայաստանի և Թուրքիայի միջև սահմանները լիարժեք բացելու հարցում։ Խորհրդանշական է, որ շաբաթ օրը հայ-թուրքական սահմանը, որը փակ է արդեն 30 տարի, բացվեց Հայաստանի մարդասիրական օգնությամբ բեռնված բեռնատարների համար, որոնք ուղևորվեցին Ադըյաման։ Նույնը տեղի ունեցավ երեկ երեկոյան, և ժամեր անց մարդասիրական օգնության ևս մեկ խմբաքանակ կհասնի Ադըյաման»,- գրել է Միրզոյանը։
Էմմա Չոբանյան
