16.01.2026 | 18:11
Բոլոր գերիների վերադարձը ժամանակի հարց է՝ ըստ Ալեն Սիմոնյանի // ՊԵԿ պաշտոնյաներ են կալանավորվել․ ԼՈՒՐԵՐ
Երկրաշարժից հետո ինչպիսի իրավիճակ է Թուրքիայի միակ հայկական գյուղում
Քաղաքականություն
15.02.2023 | 13:24
Թուրքիայի հայաբնակ Վաքըֆ գյուղում երկրաշարժի հետևանքով զոհեր չկան, շենքեր չեն փլուզվել, գրում է Gercek News-ը։
Տեղի վարչական ղեկավար Պերճ Քարթունն ասել է, որ միայն եկեղեցու արտաքին պատերն են քանդվել՝ հավելելով, որ 17 մետր բարձրությամբ «Մովսեսի ծառը», որը ենթադրվում է՝ բուսնել է Մովսեսի գավազանից, չի վնասվել։
130 բնակիչ ունեցող Վաքըֆ գյուղը գտնվում է Թուրքիայի հարավային սահմանամերձ Հաթայ նահանգի Սամանդաղ շրջանից մոտ 5 կմ հեռավորության վրա, որը երկրաշարժի գոտում ամենաշատը տուժած վայրերից է: Գյուղը Թուրքիայի միակ հայկական մնացած գյուղական բնակավայրն է։
Պերճ Քարթունը նշել է, որ որոշ տներում միայն աննշան վնասներ կան, սակայն գյուղացիները դեռևս գիշերներն անցկացնում են վրաններում հետցնցումների պատճառով։ Նա նաև պատմել է, որ գյուղը Պոլսո Հայոց պատրիարքարանից ստացել է մեծ քանակությամբ օգնություն, այդ թվում՝ երեք բեռնատար սննդամթերք ու այլ ապրանքներ։
Էմմա Չոբանյան
