16.08.2026 | 22:20
«Արսենալը» խոշոր հաշվով հաղթեց «Մանչեսթեր Սիթիին» ու դարձավ Անգլիայի սուպերգավաթակիր. ՏԵՍԱՆՅՈՒԹ
Հայաստանը պատրաստ է ցանկացած պահի Թուրքիայի հետ սահմանի բացմանը․ Արմեն Գրիգորյան
Քաղաքականություն
14.02.2023 | 18:39
Ազգային ժողովում տեղի ունեցած ճեպազրույցի ժամանակ Անվտանգության խորհրդի քարտուղար Արմեն Գրիգորյանն ասել է, որ Հայաստանը պատրաստ է ցանկացած պահի Թուրքիայի հետ սահմանի բացմանը և հարաբերությունների կարգավորմանը։
«Հայկական և թուրքական կողմերը քննարկումներ են ունենում այդ ուղղությամբ և կշարունակենք քննարկումը՝ հույս ունենալով, որ դա հնարավորինս շուտ տեղի կունենա», – ասել է Գրիգորյանը։
Հիշեցնենք, որ օրերս Հայաստանը մարդասիրական օգնություն էր ուղարկել Թուրքիայի՝ երկրաշարժից տուժած շրջաններ։ Բեռնատարները Թուրքիայի տարածք անցել էին երկու երկրների սահմանին գտնվող Մարգարա կամրջով։ Հավելենք, որ Թուրքիան 1993 թվականից ի վեր՝ շուրջ 30 տարի, միակողմանի փակ է պահում հայ-թուրքական սահմանը։
