16.08.2026 | 22:20
«Արսենալը» խոշոր հաշվով հաղթեց «Մանչեսթեր Սիթիին» ու դարձավ Անգլիայի սուպերգավաթակիր. ՏԵՍԱՆՅՈՒԹ
Մոլդովան փակել է իր օդային տարածքը՝ անվտանգության նկատառումներից ելնելով
Քաղաքականություն
14.02.2023 | 17:51
Քիշնևի օդանավակայանից թռիչքներ իրականացնող ավիաընկերությունները հայտնում են, որ Մոլդովայի օդային տարածքը ժամանակավորապես փակ է։
«Հարգելի՛ ուղևորներ, այս պահին Մոլդովայի Հանրապետության օդային տարածքը փակ է, մենք սպասում ենք թռիչքների վերսկսմանը։ Նրանք, ովքեր այսօր օդանավակայանում են՝ ինքնաթիռում կամ պատրաստվում են մեկնել, խնդրում ենք հանգստություն պահպանել և հետևել օդանավակայանի տեղեկատվական վահանակներին, ինչպես նաև ավիաընկերության և օդանավակայանի կայքին»,- ասվում է AirMoldova-ի կայքում հրապարակված հաղորդագրությունում։
Որոշման պատճառները չեն ներկայացվել։
Օդանավակայանում «Ինտերֆաքս»-ին հայտնել են, որ «որոշումն ընդունվել է անվտանգության նկատառումներից ելնելով» և ուժի մեջ է մինչև տեղական ժամանակով ժամը 16.00-ն։ Միաժամանակ, մի քանի ժամով հետաձգվել են մի շարք թռիչքներ, իսկ հաջորդ թռիչքների համար ուղևորների գրանցումը շարունակվում է։
Տաթև Ֆռանգյան
