17.05.2026 | 16:02
Սպասվում է անձրև և ամպրոպ, տեղ-տեղ հնարավոր է նաև կարկուտ․ օդի ջերմաստիճանը կնվազի
ԱՄՆ Պետդեպն ու սենատորներն Ադրբեջանի իշխանություններից պահանջում են ազատ արձակել ընդդիմադիր ակտիվիստ Հաջիևին և բոլոր քաղբանտարկյալներին
Քաղաքականություն
14.02.2023 | 22:33
ԱՄՆ առանցքային սենատորները կոչ են անում Ադրբեջանի իշխանություննեին անհապաղ ազատ արձակել ընդդիմադիր ակտիվիստ Բախտիյար Հաջիևին և մյուս քաղբանտարկյալներին, գրում են ադրբեջանական լրատվականները։
«Ես դեռ հավատում եմ, որ Ադրբեջանի ապագան պետք է լինի ժողովրդավարական պետությունների համայնքում, սակայն քաղբանտարկյալների կալանավորումը, ինչպիսին է ակտիվիստ Բախտիյար Հաջիևը, խարխլում է այս ճանապարհը։ Ադրբեջանը պետք է անհապաղ ազատ արձակի Հաջիևին ու այլ քաղբանտարկյաներին»,- թվիթերյան իր էջում գրել է սենատոր Դիք Դուրբինը։
Հելսինկյան հանձնաժողովի համանախագահ, սենատոր Բեն Քարդինը նույնպես կոչ է արել Ադրբեջանի կառավարությանը՝ անհապաղ ազատ արձակել Բախտիյար Հաջիևին, որը «դեկտեմբերից անարդարացիորեն կալանավորված է կեղծ պատրվակներով»:
«Մենք կարող ենք և կպահանջենք պատասխանատվության ենթարկել յուրաքանչյուրին, որը փորձում է ոտնահարել մարդու իրավունքները»,- գրել է Քարդինը Թվիթերում:
Հաջիևը դեկտեմբերի 9-ին ձերբակալվել է «խուլիգանության» և «դատարանի նկատմամբ արհամարհանքի» մեղադրանքով։ Նա կտրականապես հերքում է այս պնդումները, և հացադուլ է հայտարարել։
Սենատորների գրառումները հայտնվեցին այն բանից հետո, երբ ԱՄՆ Պետքարտուղարությունն օրերս կրկին հայտարարություն էր տարածել՝ կոչ անելով անհապաղ ազատ արձակել Հաջիևին՝ նշելով, որ ակտիվիստը տառապում է առողջական լուրջ խնդիրներով և կոմայի մեջ ընկնելու վտանգի տակ է։
Քաղբանտարկյալներին ազատ արձակելու կոչերով պարբերաբար հանդես է գալիս նաև Բաքվում ԱՄՆ դեսպանատունը։
Էմմա Չոբանյան
