28.04.2026 | 11:19
Թրամփը դժգոհ է պատերազմը դադարեցնելու վերաբերյալ Իրանի վերջին առաջարկից
Լեհաստանի ԱԳՆ-ն աշխատանքից ազատել է ռուսական ՄՀՄՊԻ-ի բոլոր շրջանավարտներին
Քաղաքականություն
14.02.2023 | 19:44
Լեհաստանի ԱԳ նախարարությունում Միջազգային հարաբերությունների Մոսկվայի պետական ինստիտուտի (МГИМО) շրջանավարտ չի մնացել․ աշխատանքից ազատվել են բոլոր այն աշխատակիցները, որոնք ավարտել են այս համալսարանը (Ռուսաստանի արտաքին գործերի նախարարության գերատեսչական համալսարան)։ BBC-ի ռուսական ծառայության հաղորդմամբ՝ այս մասին հայտարարել է Լեհաստանի ԱԳ նախարար Զբիգնև Ռաուն Polska Codziennie-ին տված հարցազրույցում։
Նա նշել է, որ լեհական դիվանագիտությունն ազատ է ռուսական ՄԳԻՄՕ-ից արդեն երկու ամիս։
«Միջազգային հարաբերությունների Մոսկվայի պետական ինստիտուտը ներդրում էր ռուսական իմպերիալիզմի գործունեության մեջ։ Սա խորհրդային փափուկ ուժի մի մասն է։ Շրջանավարտները պետք է ծառայեին այս կայսրության պետական մտքին։ Մեզ հաջողվել է փակել այդ կարևոր գործընթացը, որը հանդիսանում է ամենալայն իմաստով ապակոմունիզացիայի մաս»,- ասել է Լեհաստանի ԱԳ նախարարը։
Էմմա Չոբանյան
