25.11.2024 | 10:44
Տպավորություն է՝ փրկօղակ եք ուզում սարքեք, ասեք՝ անհասկանալի ընկերությունում ներդրում արեք․ Խաչատրյան․ ՏԵՍԱՆՅՈՒԹ
ՌԴ-ից երրորդ պատմական միգրացիան է սկսվել․ The Washington Post
Քաղաքականություն
14.02.2023 | 18:12
Ամերիկյան The Washington Post պարբերականը գրում է ռուսների զանգվածային արտագաղթի մասին, որը սկսվել է Ուկրաինա ռուսական զորքերի ներխուժումից հետո։
«ՌԴ նախագահ Վլադիմիր Պուտինի սանձազերծած պատերազմը նշանավորեց ռուսների պատմական արտագաղթի սկիզբը»,- գրում է թերթը։
Նախնական տվյալները ցույց են տալիս, որ առնվազն 500,000 կամ, հնարավոր է, մինչև 1 միլիոն մարդ լքել է երկիրը Ուկրաինա ռուսական ներխուժման սկզբից ի վեր՝ մեկ տարվա ընթացքում, ինչը համեմատելի է 1917-ի բոլշևիկյան հեղափոխությանը և Խորհրդային Միության փլուզմանը հաջորդած արտագաղթի զանգվածային ալիքների հետ:
Նման զանգվածային արտագաղթի հետևանքները երկիրը կզգա մի քանի սերնդի ընթացքում, հավելում է WP-ն։ Ընդ որում, հնարավոր է, որ արտագաղթի ալիքը դեռ միայն սկզբնական փուլում է և հետագայում վերածվի իսկական ցունամիի։ Ի վերջո, պատերազմը, մեղմ ասած, հեռու է ավարտվելուց։
Կրեմլի մոբիլիզացիայի յուրաքանչյուր նոր փորձ, ինչպես նաև երկրում վատթարացող տնտեսական վիճակը, որը մոտ ապագայում է՛լ ավելի կվատթարանա, կհանգեցնի մեկնումների բռնկումների հերթական աճին։
Երկիրը լքած ռուսների զանգվածային հոսքը զգալիորեն ընդլայնել է ռուսական սփյուռքն ամբողջ աշխարհում և ստեղծել նորերը, պնդում է WP-ն։
Երկրների թվում, ուր ամենաշատը մեկնել են ռուսները, պարբերականը նշում է Հայաստանը, Ղազախստանը, Ֆինլանդիան, Բալթյան երկրները (Էստոնիա, Լատվիա և Լիտվա), ինչպես նաև Իսրայելը, Արաբական Միացյալ Էմիրությունները, Թաիլանդը և Արգենտինան։
Տաթև Ֆռանգյան
