16.04.2026 | 23:27
Ինչ իրավիճակ է Հայաստանի ճանապարհներին և Լարսում
Մուլտիմոդալ փոխադրումների զարգացում, սահմանների հատման ընթացակարգերի պարզեցում․ ՀՀ պատվիրակությունը մասնակցել է «ՏՐԱՍԵԿԱ»-ի տարեկան հանդիպմանը
Տնտեսություն
14.02.2023 | 15:33
ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանի գլխավորած պատվիրակությունը փետրվարի 8-ից 10-ը Թբիլիսիում մասնակցել է «ՏՐԱՍԵԿԱ» Միջկառավարական հանձնաժողովի 16-րդ տարեկան հանդիպմանը․ տեղեկացնում են ՏԿԵՆ-ից։
Հանդիպման ժամանակ քննարկվել են կազմակերպության ընթացիկ հարցերը, մասնավորապես՝ մուլտիմոդալ փոխադրումների զարգացման, սահմանների հատման ընթացակարգերի պարզեցման, ջրային փոխադրումների զարգացման, հետագա ինստիտուցիոնալ զարգացումների, սահմանների հատման «Թեժ գծի» հայեցակարգի, ավտոմոբիլային հսկման կետերի գնահատման, վիճակագրական տվյալների, ՏՐԱՍԵԿԱ հիմնադրամի, Գործադիր Խորհրդի և թվայնացման աշխատանքային խմբի ստեղծման վերաբերյալ հարցեր։
Հանդիպումներ են տեղի ունեցել «ՏՐԱՍԵԿԱ» Միջկառավարական հանձնաժողովի մասնակիցների հետ։ Քննարկվել են տրանսպորտային ոլորտում երկկողմ հարաբերությունների զարգացման վերաբերյալ հարցեր։ «ՏՐԱՍԵԿԱ» Միջկառավարական հանձնաժողովի մշտական քարտուղարության կողմից ՏԿԵ նախարարի տեղակալ Արմեն Սիմոնյանին շնորհվել է մեդալ՝ «Եվրոպա-Կովկաս-Ասիա երթուղու զարգացման գործում ներդրում ունենալու համար»։
